Month: July 2025

મોરબીમાં વરસાદના કારણે પ્રજાને પડતી મુશ્કેલીઓના નિવારણ અર્થે જિલ્લા કલેક્ટરશ્ર કે.બી. ઝવેરીએ પત્રકાર પરિષદ યોજી

મોરબી શહેરીજનોની સમસ્યાઓના નિરાકરણ માટે મોરબી મહાનગરપાલિકા કટિબધ્ધ; વિસ્તાર મુજબ અધિકારી/કર્મચારીઓના સંપર્ક નંબર જાહેર કરાયા

શહેરી વિસ્તારમાં રોડ રસ્તા, સ્ટ્રીટ લાઈટ, ગટર અને સફાઈના પ્રશ્નો બાબતે નાગરિકો સીધી રજૂઆત કરી શકશે; પ્રશ્નોનું કરાશે ઝડપી અને યોગ્ય નિકાલ

મોરબી જિલ્લા અને શહેરી વિસ્તારમાં ચોમાસાના કારણે લોકોને કોઈ હાલાકીનો સામનો ન કરવો પડે તથા તેમના પ્રશ્નોનું તાત્કાલિક અને યોગ્ય નિરાકરણ કરવામાં આવે તે બાબતે જિલ્લા કલેક્ટરશ્રી કે.બી. ઝવેરી અને મોરબી મહાનગરપાલિકાના કમિશ્નરશ્રી સ્વપ્નિલ ખરેની ઉપસ્થિતિમાં પ્રેસ કોન્ફરન્સનું આયોજન કરવામાં આવ્યું હતું.
આ પ્રેસ કોન્ફરન્સ અન્વયે કલેક્ટરશ્રીએ જણાવ્યું હતું કે, લોકોની સમસ્યાઓના નિરાકરણ માટે વહીવટી તંત્ર અને મોરબી મહાનગરપાલિકા કટિબધ્ધ છે. અંડર ગ્રાઉન્ડ ગટર, કુંડીની સફાઈના પ્રશ્નોનું નવા સાધનોથી નિરાકરણ કરવામાં આવશે. ખાલી ચોમાસાની ઋતુમાં ખાડા પૂરવાના કામ તથા પાણી ના નિકાલના કામને પ્રાધાન્ય આપવામાં આવશે.
મોરબી મહાનગરપાલિકા શહેરના નાગરિકોની સુખાકારી અને સુવિધાઓને વધુ સુદૃઢ કરવા માટે સતત પ્રયાસરત છે. શહેરી વિસ્તારોમાં રોડ-રસ્તા, ગટર, સ્ટ્રીટ લાઈટ અને સફાઈ જેવી મૂળભૂત સેવાઓ સંબંધિત સમસ્યાઓના ઝડપી નિરાકરણ માટે, મોરબી મહાનગરપાલિકા દ્વારા વિસ્તાર મુજબ અધિકારી/કર્મચારીઓના નંબર જાહેર કરવામાં આવ્યા છે. આ પહેલ શહેરના નાગરિકો અને વહીવટી તંત્ર વચ્ચેના સંવાદને વધુ મજબૂત કરશે અને સેવાઓની ગુણવત્તામાં સુધારો લાવશે.
હાલ ચોમાસાની પરિસ્થિતિ અન્વયે મોરબી શહેરી વિસ્તારમાં નાગરિકોને કોઈ સમસ્યાનો સામનો ન કરવો પડે તે માટે મોરબી મહાનગરપાલિકા સતત પ્રયત્નશીલ છે. શહેરીજનોની સુખાકારી અને સુવિધાઓની સુલભતા માટે કરવામાં આવી રહેલી કામગીરીના ભાગરૂપે નાગરિકોની ફરિયાદોનું ઝડપી નિરાકરણ આવે તેવા ઉદ્દેશ્ય સાથે શહેરના વિવિધ વિસ્તાર મુજબ લોકોના પ્રશ્નોના નિરાકરણ માટે અધિકારી/કર્મચારીને નિયુક્ત કરવામાં આવ્યા છે અને ફરિયાદ નોંધાવા માટે તેમના સંપર્ક નંબર પણ જાહેર કરવામાં આવ્યા છે. શહેરીજનો તેમના વિસ્તારમાં રોડ રસ્તા, ગટર, સ્ટ્રીટ લાઈટ તેમજ સફાઈ ના પ્રશ્નો માટે સંબંધિત વિસ્તારના અધિકારી/કર્મચારીનો સંપર્ક કરી શકાશે.
બન્ને નાયબ મ્યુનિસિપલ કમિશ્નરશ્રીઓનો મીટીંગ અથવા બીજી વ્યસ્તતાઓ સિવાય હરહંમેશ કચેરી સમય દરમિયાન સંપર્ક કરી શકાશે. તે સિવાય મ્યુનિસિપલ કમિશ્નરશ્રીની પણ સોમવાર અને ગુરૂવારે બપોરે ૦૩:૦૦ થી ૦૬:૦૦ અને ચોમાસા દરમિયાન દરરોજ સાંજે ૦૫ થી ૦૬ દરમિયાન મુલાકાત કરી શકાશે.
નાગરિકો દ્વારા મળતા આ પ્રશ્નો બાબતે તાત્કાલિક કાર્યવાહી હાથ ધરી નિયત સમયમર્યાદામાં તમામ પ્રશ્નોનું નિરાકરણ કરવામાં આવશે. મહાનગર પાલિકાની ટીમ નાગરિકોના પ્રશ્નોના ઝડપી અને યોગ્ય નિકાલ માટે કટિબધ્ધ છે.
આ પ્રેસ કોન્ફરન્સમાં નાયબ મ્યુનિસિપલ કમિશ્નરશ્રી કુલદીપસિંહ વાળા અને સંજય સોની અને જિલ્લાના વિવિધ માધ્યમો સાથે જોડાયેલા પત્રકારશ્રીઓ ઉપસ્થિત રહ્યા હતા.

મોરબીમાં મહોરમ પર્વની ઉજવણીને લઈને પોલીસ વડા રાહુલ ત્રિપાઠી ની અધ્યક્ષ સ્થાને મુસ્લિમ સમાજ નાં ધર્મ ગુરુ તાજીયા કમિટી નાં આગેવાનો સાથે બેઠક યોજી

મોરબીમાં મુસ્લિમ સમાજ નાં મહોરમ પર્વની ઉજવણી દરમિયાન તાજીયા જુલૂસ શહેરના રાજમાર્ગો પર નિકળનાર હોય તેને લઈને મોરબી જિલ્લા પોલીસ વડા રાહુલ ત્રિપાઠી એ મુસ્લિમ સમાજ નાં ધર્મ ગુરુ શેરખતીબ રસીદ મીયા બાપુ તેમજ તાજીયા કમિટી નાં આગેવાનો સાથે મીટીંગ નું આયોજન કરવામાં આવ્યું હતું જેમાં વીજ વાયરો વરસાદી વાતાવરણ ને ધ્યાનમાં રાખીને અને કોઈ અનિચ્છનિય બનાવ ન બને તેમજ ખોટી અફવાઓ ઉપર ધ્યાન ન આપવા અપીલ કરી હતી અને સમયસર તાજીયા માતમમાં બાબતે ચર્ચા કરી હતી કોમી એકતા સાથે તહેવાર ની ઉજવણી કરવા સુચનાઓ આપવામાં આવી

સમગ્ર વિશ્વમાં વર્ષ – ૨૦૨૫ ની ‘આંતરરાષ્ટ્રીય સહકારીતા વર્ષ’ તરીકે ઉજવણીના ભાગરૂપે મોરબીમાં જિલ્લા રજિસ્ટ્રારશ્રી, સહકારી મંડળીઓની કચેરી દ્વારા સહકારી સંસ્થાઓમાં સહકારી મંડળીઓ માટે સભાપદ ડ્રાઈવ તથા લોન મેળો યોજાયો હતો.

મોરબી જિલ્લામાં જુલાઈ માસના પ્રથમ સપ્તાહ (૧ જુલાઈ થી ૫ જુલાઈ, ૨૦૨૫) દરમિયાન સહકાર સપ્તાહની ઉજવણીના ભાગરૂપે મોરબી જિલ્લા રજિસ્ટ્રારશ્રી, સહકારી મંડળીઓ ડો. બી. એન. પટેલના માર્ગદર્શન હેઠળ શ્રી રાજકોટ ડીસ્ટ્રીકટ કો-ઓપરેટીવ બેંક લી., ઝોન ઓફીસ મોરબી, શ્રી મોરબી પીપલ્સ ક્રેડીટ કો-ઓપરેટીવ સોસાયટી લી., મોરબી અને શ્રી સહયોગ ક્રેડીટ કો-ઓપરેટીવ સોસાયટી લી., વાંકાનેર ખાતે લોન સભ્યપદ ડ્રાઈવ મેળો યોજાયો હતો.

ધિરાણ પહોંચને વેગ આપવા અને સહકારી બેંકિંગ સેવાઓ વિશે જાગૃતિ લાવવા, સહકારી સંસ્થાઓ દ્વારા નાણાકીય સમાવેશને પ્રોત્સાહન આપવા, વંચિત સમુદાયો માટે ધિરાણની સરળ અને પારદર્શક સુલભતા સુનિશ્ચિત કરવા, સહકારી ધિરાણ સંસ્થાઓમાં વિશ્વાસ બનાવીને સહકારી ચળવળને મજબૂત બનાવવાતથા સામન્ય જનતામાં સહકારી સંસ્થાઓનીની પારદર્શિતા અને વિશ્વસનીયતામાં વધારો કરવાના ઉદ્દેશ સાથે આ પ્રવૃત્તિઓ હાથ ધરવામાં આવી હતી. આ કાર્યક્રમમાં જિલ્લા રજિસ્ટ્રાર કચેરીના કર્મચારીઓ તથા સહકારી સંસ્થાઓના સભાસદોએ ઉપસ્થિત રહી કાર્યક્રમને સફળ બનાવ્યો હતો.

પુત્ર ધંધો ન કરતો હોવાથી પિતાએ દોરીએ થી ગળું દબાવી કરી હતી હત્યા

હળવદ તાલુકાના ચરાડવા ગામે થયેલ હત્યાના બનાવવમાં આરોપીને હળવદ તાલુકા પોલીસે ઝડપી પાડયો છે.
હળવદ તાલુકાના ચરાડવા ગામે શંકાસ્પદ મૃત્યુ થયેલ ડેડ બોડી ચરાડવા સરકારી દવાખાને રાખેલ હોય જે મૃત્યુ શંકાસ્પદ થયેલ હોવાનું જણાતા હળવદ પોલીસ દ્વારા અલગ અલગ ટીમ બનાવી તપાસ કરતા ” મનોજભાઇ દેવજીભાઇ સોલંકી (ઉ.વ. ૨૫) ને તેના પિતા સાથે કામ બાબતે અવાર-નવાર ઝઘડા થતા હોય જેથી મનોજને તેના પિતાજીએ દોરી વડે ગળે ફાંસો આપી ખુન કરેલ છે તેમ જાણવા મળેલ જે અંગે હળવદ પોલીસ સ્ટેશન ખાતે ગુનો દાખલ થયેલ હોય આરોપી પિતા દેવજીભાઈ કરશનભાઇ સોલંકી (ઉ.વ.૫૦) રહે ગામ ચરાડવા નવા તળાવ તા. હળવદવાળને ગણતરીની કલાકોમાં આરોપીને પકડી પાડી ગુન્હો ડીટેક્ટ કરી આગળની કાર્યવાહી હાથ ધરવામાં આવેલ છે.

ઇન્ડિયન લાયન્સ ક્લબ મોરબી દ્વારા તાજેતરમાં ફ્રી સર્વરોગ નિદાન અને સારવાર કેમ્પનું આયોજન કરવામાં આવ્યું હતું જે કેમ્પમાં હોમિયોપેથીક, વોટર થેરાપી, પ્રાણિક હિલીંગ, એક્યુંપંચર દ્વારા દરેક રોગોની સારવાર ડો. નીલેશ ગામી અને ડો. નિકુંજ ગૌસ્વામી, મહેન્દ્રભાઈ મેં દ્વારા કરવામાં આવી હતી

સાથે જ દર્દીને જરૂરિયાત મુજબની દવાઓ નિશુલ્ક આપવામાં અવિહ ટી કેમ્પનો ૨૦૧ દર્દીઓએ લાભ લીધો હતો ડો. નીલેશ ગામી દ્વારા ૨૬ મો ફ્રી નિદાન અને સારવાર કેમ્પ યોજવામાં આવ્યો હતો આ તકે ઇન્ડિયન લાયન્સ કલબના ભાવેશભાઈ દોશીએ જણાવ્યું હતું કે ૨૬ વર્ષથી નીલેશ ગામી અવિરત સેવા આપી ઇન્ડિયન લાયન્સ ક્લબને ખુબ સહકાર આપી રહ્યા છે તેમના મોટાભાઈ હર્ષદભાઈ ગામી ઇન્ડિયન લાયન્સ કલબના પાયાના પથ્થર અને પૂર્વ પ્રમુખ રહી ચુક્યા છે અને હાલ પણ સક્રિય સભ્ય તરીકે સેવા આપે છે

કેમ્પમાં સેવા આપનાર દરેક સેવાભાવી ડોક્ટર અને સ્ટાફનું બહુમાન કરાયું હતું કેમ્પને સફળ બનાવવા હર્ષદભાઈ ગામી, ભાવેશભાઈ દોશી, ધીરૂભાઈ સુરેલીયા, કિશોરભાઈ પલાણ, શશીભાઇ મહેતા, અલ્પાબેન કક્કડ, અજયભાઈ કક્કડ સહિતની ટીમે જહેમત ઉઠાવી હતી