Month: August 2025

સાયકલ રેલીમાં ધારાસભ્યશ્રી કાંતિભાઈ અમૃતિયા અને શ્રી દુર્લભજીભાઈ દેથરીયા સહિત મહાનુભાવો ઉત્સાહભેર જોડાયા

મોરબીમાં શ્રી મેજર ધ્યાનચંદજીની જન્મ જયંતી નિમિત્તે નેશનલ સ્પોર્ટ્સ ડે ની ઉજવણી અંતર્ગત ખેલે ભી ખીલે ભી ની થીમ સાથે પોલીસ પરેડ ગ્રાઉન્ડ – સ્વાગત ચોકડી – ઉમિયા સર્કલ – શ્રી સરદાર પટેલ સ્ટેચ્યુ, નવા બસ સ્ટેશન સુધીના રૂટ પર અંદાજિત ૭ કિમી લાંબી સાયકલ રેલી યોજાઈ હતી. આ સાયકલ રેલીમાં ધારાસભ્યશ્રી કાંતિભાઈ અમૃતિયા તથા શ્રી દુર્લભજીભાઈ દેથરીયા અને જિલ્લા પોલીસ વડાશ્રી મુકેશ પટેલ સહિતના મહાનુભાવોએ લીલી ઝંડી બતાવી આ રેલીને પ્રસ્થાન કરાવી હતી અને ત્યારબાદ તેઓ પણ આ રેલીમાં ઉત્સાહભેર જોડાયા હતા.

હોકીના જાદુગર એવા શ્રી મેજર ધ્યાનચંદની જન્મ જયંતી અન્વયે સમગ્ર રાજ્ય અને દેશમાં વિવિધ આયોજનો કરવામાં આવી રહ્યા છે. ત્યારે મોરબીમાં પણ ૨૯ ઓગસ્ટથી વિવિધ કાર્યક્રમો યોજાઈ રહ્યા છે, જેના ભાગરૂપે મોરબીના લોકોમાં તંદુરસ્તી બાબતે જાગૃતિ ફેલાવવા તથા શ્રી મેજર ધ્યાનચંદજીને શ્રદ્ધાંજલિ અર્પણ કરવાના હેતુથી જિલ્લા રમત ગમત કચેરી અને જિલ્લા વહીવટી તંત્ર દ્વારા વહેલી સવારે સાયકલ રેલી યાજી લોકોને સ્વસ્થ જીવનશૈલી અને ફિટનેસનો સંદેશો આપવામાં આવ્યો હતો. આ પ્રસંગે સર્વે ઉપસ્થિતોએ નેશનલ સ્પોર્ટ્સ ડે નિમિતે શપથ પણ લીધા હતા.

આ રેલીમાં હળવદ પ્રાંત અધિકારીશ્રી ધાર્મિક ડોબરીયા, મોરબી મહાનગર પાલિકાના ડેપ્યુટી કમિશ્નરશ્રી સંજય સોની, જિલ્લા રમત ગમત અધિકારીશ્રી રવિભાઈ રાઠોડ, અગ્રણીશ્રી જયંતીભાઈ રાજકોટીયા, પોલીસના જવાનો, DLSS ના રમતવીરો તથા વિવિધ શાળાઓના વિદ્યાર્થીઓ અને જાગૃત નગરજનો બહોળી સંખ્યામાં આ સાયકલ રેલીમાં સહભાગી બન્યા હતા.

મોરબી માળીયા નેશનલ હાઈવે પર ટીંબડી ગામના પાટીયા પાસે ભુતકાળમાં બની ગયેલા ભયંકર અકસ્માતોને ધ્યાને લઈને અકસ્માત અટકાવવા ઓવરબ્રિજ બનાવવા ટીંબડી ગામના યુવાને કેન્દ્રીય મંત્રીના દ્વાર ખખડાવ્યા

મોરબી માળીયા નેશનલ હાઈવે ઉપર આવેલા ટીંબડી ગામના પાટીયા પાસે છાસવારે ટ્રાફીક જામ અને અકસ્માતો સર્જાતા હોય છે જેથી ટીંબડી ગામના યુવાન અને મોરબીના યુવા પત્રકાર મયંક દેવમુરારીએ મોરબી માળીયા હાઈવે પર ટીંબડી ગામના પાટીયા પાસે અકસ્માતોની ઘટના અટકાવવા અને ગ્રામજનોને ટ્રાફીકથી છુટકારો અપાવવા અને અકસ્માતોથી બચાવવા ઓવરબ્રિજ બનાવવાની માંગ સાથે કેન્દ્રીયમંત્રી નિતિનભાઈ ગડકરીને રજુઆત કરવામાં આવી છે મોરબી માળીયા નેશનલ હાઈવે ૨૭ (૮અ) ઉપર મોટાપાયે ટ્રાફીક રહેતો હોય મોરબીથી કચ્છને જોડતો એકમાત્ર હાઈવે હોવાથી ટ્રાફીકથી ધમધમતા હાઈવે પર દરરોજ હજારો વાહનોની અવરજવર રહેતી હોવાથી નેશનલ હાઈવે ભરચક રહે‌ છે જેના કારણે ટીંબડી ગામના પાટીયા પાસે ભુતકાળમાં ભયંકર અકસ્માતોના બનાવો બની ચુક્યા છે જેમાં ઘણા બધા નિર્દોષ લોકોએ જીવ ગુમાવીને મોતને ભેટ્યા છે તેમજ અમારા વિસ્તારમાં ટ્રાફિક એટલો વધી ગયો છે કે લોકોને રસ્તો ઓળંગવામાં પણ ખૂબ જ મુશ્કેલી પડે છે ખાસ કરીને શાળાએ જતા બાળકો અને વૃદ્ધો માટે આ સમસ્યા ખૂબ જ ગંભીર છે જેના કારણે અમારા ગામના પાટીયા પાસે ઓવરબ્રિજ બનાવવાની તાતી જરૂરિયાત છે અન્યથા નિદોર્ષ માનવ જિંદગીઓ અકસ્માતના કારણે મોતના મુખમાં ધકેલાઈ જાય છે જેથી અહી ઓવરબ્રિજ બનવાથી ટ્રાફિકની સમસ્યા હલ થશે અકસ્માતોનું પ્રમાણ પણ ઘટશે જેના કારણે લોકો સુરક્ષિત રીતે રસ્તો ઓળંગી શકશે અહીંયા અવાર નવાર ટ્રાફિક જામના દ્રશ્યો સર્જાયા છે જેના કારણે એક્સિડન્ટ થાય છે એક્સિડન્ટ એરિયા (બ્લેક સ્પોટ) હોવાથી અનેક લોકોને અકસ્માતમાં ભોગ લેવાય છે જેથી મોરબી જીલ્લામાં મોટાપાયે ઉદ્યોગ હોવાથી દરરોજની હજારો હેવી ટ્રકો મોરબીમાં આવન જાવન કરે છે જેથી મોરબીની નજીક આવેલું ટીંબડી ગામના પાટીયા પાસે ટ્રાન્સપોર્ટ ચાલકોની મોટા પાયે ઓફિસ હોવાથી અહીંયા ટ્રાફિકની સમસ્યા રોજિંદી બની ગઈ છે તો આપ સાહેબ શ્રીને વિનંતી કે ટીંબડી ગામના પાટીયા પાસે ઓવરબ્રીજ બનાવીને લોકોને મોતના મુખમાંથી બચાવવા અમો દ્વારા આપશ્રીને રજુઆત કરી માંગ કરીએ છીએ અને આપને નમ્ર વિનંતી કરીએ છીએ કે અમારા વિસ્તારમાં ઓવરબ્રિજ બનાવવા માટે તાત્કાલિક યોગ્ય પગલા ભરીને વહેલી તકે ઘટતું કરવા અપીલ કરી છીએ જો અહીં ઓવરબ્રિજ બની જાય તો ટ્રાફિક અને અકસ્માતોમાંથી મુક્ત થઈ શકીએ તેમ છીએ ત્યારે અમો આશા રાખીએ છીએ કે આપ અમારી અરજી પર ધ્યાન આપીને જલ્દીથી કાર્યવાહી કરશોજી અત્રે ઉલ્લેખનીય છેકે ટ્રાફીકથી ધમધમતા મોરબી કચ્છ હાઈવે પર આવેલ ટીંબડી ગામ પાસે ઓવરબ્રિજની માંગ ટીંબડી ગામના યુવાન અને યુવા પત્રકાર મયંક દેવમુરારીએ પ્રજાની સુખાકારી માટે પ્રજાના જીવ જોખમમાં ન મુકાઈ તે માટે કેન્દ્રીય મંત્રી નિતિન ગડકરીજીના દ્વાર ખખડાવીને ઓવરબ્રિજ બનાવવાની માંગ કરાઈ છે

મોરબી જિલ્લા નાં ટંકારા તાલુકાના નાના ખીજડીયા ગામે હજરત ભોળાપીર વલી નાં ઉર્ષ મુબારક ની સુન્ની મુસ્લિમ સમાજ દ્વારા ભવ્ય ઉજવણી કરવામાં આવી હતી હઝરત ભોળાપીર વલી નાં ઉર્ષ મુબારક છેલ્લા ૧૦ વર્ષ થી ગામજનો દ્વારા ઉજવવા આવે છે આ પ્રસંગે સંદલ શરીફ ની ન્યાજ સરીફ સહિતના કાર્યક્રમ યોજાયા હતા આ કાર્યક્રમમાં ટંકારા પીઆઇ કે.એમ.છાસીયા નાના ખીજડીયા ગામના માજી સરપંચ ફિરોજ ભાઈ દધોરીયા સહિતના લોકો ઉપસ્થિત રહ્યા હતા અને ગામના આગેવાન હાજી નુર મામદભાઈ આગરીયા દ્વારા પીઆઇ કે.એમ.છાસીયા ને સાલ ઓઢાડી સન્માનિત કર્યા હતા..

તાજેતરમાં મોરબી સિરામિક એસોસિયેશનના હોદ્દેદારોએ મોરબીના ઉદ્યોગકારો દ્વારા કરવામાં આવેલા એરપોર્ટમાં ફસાયેલા નાણા ની રિકવરી કરવા અંગે કેન્દ્ર મંત્રી મનસુખ માંડવીયાને સંસદ ભવન દિલ્હી ખાતે રજૂઆત કરી હતી ત્યારે મોરબી સિરામિક એસોસિએશનના પ્રમુખો ઉદ્યોગકારો ઉપરાંત સાંસદ અને માજી સાંસદ તેઓની સાથે રહ્યા હતા

મોરબી સિરામિક એસોસિએશનના પ્રમુખ મનોજભાઈ એરવાડીયા અને હરેશભાઈ બોપાલિયા તેમજ અન્ય સિરામિક ઉદ્યોગકારો દિલ્હી ખાતે કેન્દ્ર મંત્રી મનસુખભાઈ માંડવીયાને એરપોર્ટમાં ફસાયેલા નાણાની રિકવરી કરવા રજૂઆત કરવા માટે ગયા હતા ત્યારે સાંસદ વિનોદ ચાવડા અને માજી સાંસદ મોહનભાઈ કુંડાળિયા રાજેશભાઈ ચુડાસમા તેઓની સાથે ઉપસ્થિત રહ્યા હતા અને મંત્રી મનસુખભાઈ માંડવીયાએ મોરબીના સીરામીક એસોસિયેશનના પ્રમુખોની રજૂઆતો ને સાંભળીને હકારાત્મક અભિગમ દાખવી ને ભારત સરકાર દ્વારા શક્ય એટલી તમામ મદદ કરવા માટે ખાતરી આપી અને સંબંધિત વિભાગના અધિકારીઓને ત્વરિત કાર્યવાહી કરવા માટે સૂચના આપી હતી આ ઉપરાંત સિરામિક ઉદ્યોગને અસર કરતા કસ્ટમ તથા એકસાઇઝ વિભાગના પ્રશ્નો અને ગ્રાઉન્ડ વોટર બોરવેલ બાબતે આવેલ નોટિસ અંગે પણ સિરામિક ઉદ્યોગને રાહત મળે તે અંગે રજૂઆત કરવામાં આવી હતી ત્યારે કેન્દ્ર મંત્રી મનસુખભાઈ માંડવીયાએ ખાતરી આપતા જણાવ્યું હતું કે સિરામિક ઉદ્યોગને અસર કરતા તમામ પ્રશ્નોનું શક્ય કેટલી વહેલી તકે નિરાકરણ કરવામાં આવશે

મોરબીમાં 11 સભાસદથી શરૂ થયેલી અને હાલ 452 સભાસદો ધરાવતી અને છેલ્લા 34 વર્ષથી પારદર્શક રીતે ચાલતી ગ્રામ્ય શિક્ષક મંડળી મોરબી જે શિક્ષકો માટેની, શિક્ષકોની અને શિક્ષકો દ્વારા ચાલતી મંડળી છે,શિક્ષક શરાફી મંડળી છેલ્લા 34 વર્ષથી ઉત્તરોત્તર પ્રગતિ કરી હાલ 452 સભાસદો ધરાવતી અને શિક્ષકો માટે મોટાભાઈની ગરજ સારતી મોરબી (ગ્રામ્ય ) શિક્ષક શરાફી મંડળીની તાજેતરમાં યોજાયેલી સામાન્ય ચૂંટણીમાં “સહકાર પેનલ” નો જંગી બહુમતી સાથે ભવ્ય વિજય થયેલ છે.સહકાર પેનલના શ્રી અંકિતભાઈ જોષી (રંગપર તાલુકા શાળા),જીજ્ઞેશ રાબડીયા(જેતપર તાલુકા શાળા),મનીષ ચાડમિયા(નીચી માંડલ તાલુકા શાળા),ભાવેશ કાલરીયા(ખરેડા કુમાર તાલુકા શાળા),ધર્મેન્દ્રભાઈ કાવઠિયા, ભાવેશભાઈ પારેજીયા (મહેન્દ્રનગર કુમાર તાલુકા શાળા),અશ્વિન ગોધવિયા ( બરવાળા-ખાખરાળા તાલુકા શાળા),રજનીશ દલસાણીયા (સાદુળકા તાલુકા શાળા), પિન્ટુભાઈ કૈલા(રાજપર તાલુકા શાળા),ધવલ સરડવા(ચાંચાપર તાલુકા શાળા),સતિષભાઈ દેત્રોજા(બગથળા તાલુકા શાળા) નીતિન દેથરીયા (લાલપર તાલુકા શાળા),વિજય પડસુંબિયા(રફાળેશ્વર તાલુકા શાળા),નરેશ દેત્રોજા(રામગઢ તાલુકા શાળા) ને સભાસદ /મતદાર શિક્ષક ભાઈઓ બહેનોએ જંગી મતદાન સાથે જંગી બહુમતીથી વિજય અપાવ્યો હતો.જ્યારે મનીષાબેન સરડવા(રવાપર તાલુકા શાળા),મનીષાબેન ગડારા(નાની વાવડી તાલુકા શાળા) મહિલા અનામત સીટ પરથી બિનહરીફ જાહેર થયેલ છે.જ્યારે ગૌતમ ટૂંડિયા(નીચી માંડલ તાલુકા શાળા)
અ. જા. અનામત સીટ પરથી બિનહરીફ જાહેર થયેલ છે.આમ સમગ્ર ચૂંટણી પ્રક્રિયા અંતર્ગત “સહકાર પેનલ”નો ભારે બહુમતી સાથે ભવ્ય વિજય થયેલ છે.પેનલના સૌ ઉમેદવારોએ સૌ સભાસદ મતદાર ભાઈઓ બહેનોનો આભાર વ્યક્ત કરી મંડળીને વધુ સમૃદ્ધ અને વિકાસશીલ બનાવવાનો સંકલ્પ વ્યક્ત કર્યો હતો.સમગ્ર મોરબી પ્રાથમિક શિક્ષણ અને શિક્ષક પરિવાર તરફથી “સહકાર પેનલ”ને ખૂબ ખૂબ શુભેચ્છાઓ અર્પિત કરવામાં આવી હતી.”સહકાર પેનલ”ની સમગ્ર યુવા બ્રિગેડ ટીમ પર અભિનંદન ની વૃષ્ટિ થઈ રહેલ છે.