મોરબી વાંકાનેરના રાજ્યસભાના સાંસદ કેસરીદેવસિંહ ઝાલા દ્વારા મોરબી જિલ્લામાં પડેલ કમોસમી વરસાદથી ખેડૂતોને થયેલ નુકસાનનું સર્વે કરી સહાય આપવા મુખ્યમંત્રી અને કૃષિ મંત્રી ને રજૂઆત કરી છે જેમાં તાજેતરમાં સૌરાષ્ટ્ર વિસ્તારોમાં પડેલા ભારે કમોસમી વરસાદને કારણે મોરબી જિલ્લા તેમજ વાંકાનેર તાલુકાના ગામોમાં કમોસમી માવઠાને કારણે ખેડૂતોનો તૈયાર ઉભો પાક પલડી જઈ નિષ્ફળ ગયેલ છે તેમજ ખેતરોમાં ઉભા પાક પણ ખૂબ જ નુકસાન થયેલ છે આ કમોસમી વરસાદને કારણે મોટાભાગના ખેડૂતોના ખરીફ પાક નિષ્ફળ ગયેલ હોય જેથી ખેડૂતોને ખૂબ જ નુકસાની વેઠવી પડી છે મોરબી જિલ્લા તેમજ વાંકાનેર તાલુકામાં કપાસ અને મગફળી એરંડા બાજરી કઠોળ સહિતની ખેતી કરવામાં આવે છે જેમાંથી મોટાભાગના ખેડૂતોએ મગફળીનો પાક ઉપાડી લીધો હતો અને ખેતરોમાં પાથરા કર્યા હોય તેમજ કપાસ નો પાક પણ સંપૂર્ણ કમોસમી વરસાદ વરસતા તમામ પાકો નિષ્ફળ ગયેલ છે ચાલુ માસમાં આવેલ સતત કમોસમી વરસાદને કારણે ભારે નુકસાન થયેલ છે તેમજ ખેડૂતોનો પાક નિષ્ફળ ગયેલ હોય અને પશુઓ માટે સૂકા ઘાસ ચારા પણ પલડીને નાશ પામેલ છે જેના કારણે ખેડૂતોનું આર્થિક બજેટ ખોરવાઈ ગયેલ છે સતત પડેલા કમોસમી વરસાદના કારણે ખેડૂતોના પાકને થયેલ નુકસાની અંગેનો સર્વે કરાવી ખેડૂતોને પાક નુકસાની માટે ખાસ આર્થિક સહાય પેકેજ તાત્કાલિક જાહેર કરવામાં આવે તેવી મુખ્યમંત્રી ભુપેન્દ્ર પટેલ અને કૃષિ મંત્રી જીતુ વાઘાણી પાસે માંગ કરી છે
અખંડ ભારતના શિલ્પી લોખંડી પુરુષ સરદાર વલ્લભભાઈ પટેલ ની ૧૫૦ મી જન્મ જયંતી નિમિત્તે ઠેર ઠેર ઉજવણી કરવામાં આવી રહી છે ત્યારે શહેરના નવા બસ સ્ટેશન નજીક આવેલ સરદાર વલ્લભભાઈ પટેલ ની પ્રતિમા ખાતે સિરામિક એસોસીએશન અને સમસ્ત પાટીદાર સમાજ દ્વારા પુષ્પાંજલિ નાં કાર્યક્રમનું આયોજન કરવામાં આવ્યું હતું જેમાં મોરબી સિરામિક એસોસિએશન પ્રમુખ મનોજભાઈ એરવાડીયા હરેશભાઈ બોપલિયા સંદીપભાઈ દેત્રોજા તથા માજી પ્રમુખ કિરીટભાઈ ઓગણજા તેમજ ખૂબ મોટી સંખ્યામાં સીરામીક ઉદ્યોગકારો પાટીદાર સમાજના અગ્રણીઓ અને આગેવાનો હાજર રહ્યા હતા તેમજ પાટીદાર સમાજના યુવા આગેવાન મનોજ પનારા સહિતના પાટીદાર અગ્રણીઓ ઉપસ્થિત રહ્યા હતા આ તકે સિરામિક એસોસિયેશન નાં પ્રમુખ મનોજભાઈ એરવાડીયા એ જણાવ્યું હતુ કે સિરામિક પરિવાર અને પાટીદાર સમાજ દ્વારા સરદાર વલ્લભભાઈ પટેલ નું સ્ટેચ્યુ મુકવા તથા સર્કલ બનાવવા કોર્પોરેશનમાં માંગણી મુકી હતી પરંતુ તેની મંજૂરી માટે વધુ સમય લાગ્યો છે જેથી આ જન્મ જયંતી એ કઈ આયોજન થઈ શક્યું નથી પરંતુ સીરામીક પરીવાર દ્વારા જાહેરાત કરવામાં આવે છે કે આગામી સમયમાં મોરબી શહેરમાં જુદી જુદી બે થી ત્રણ જગ્યાએ સરદાર વલ્લભભાઈ પટેલ ની સ્ટેચ્યુ મૂકવામાં આવશે
મોરબી : અખંડ ભારતના શિલ્પી લોખંડી પુરુષ અને ભારત રત્ન સરદાર વલ્લભભાઈ પટેલની ૧૫૦ મી જન્મજયંતિ નિમિત્તે મોરબી પ્રેસ મિડિયા એસોસિએશન દ્વારા આજે નવા બસ સ્ટેન્ડ ખાતે આવેલી સરદાર પટેલની પ્રતિમાને પુષ્પાંજલિ અર્પણ કરવામાં આવી હતી. આ અવસરે એસોસિએશનના પદાધિકારીઓ તથા સભ્યો દ્વારા પ્રતિમાને કુલ 150 ફૂલહાર પહેરાવી શ્રદ્ધાંજલિ પાઠવવામાં આવી હતી. પત્રકારોએ દેશની એકતા અને અખંડિતતા માટે સરદાર પટેલના અવિસ્મરણીય યોગદાનને યાદ કરતાં રાષ્ટ્રીય એકતા દિનની ઉજવણીનો સંદેશ આપ્યો હતો. આ પ્રસંગે અનેક પત્રકારો તેમજ સામાજિક આગેવાનો ઉપસ્થિત રહ્યા હતા અને સરદાર પટેલના વિચારોને જીવનમાં ઉતારી રાષ્ટ્રની એકતા જાળવવા માટે પ્રતિબદ્ધતા વ્યક્ત કરવામાં આવી હતી. ઉપસ્થિત પત્રકારોમાં પરેશભાઈ પારીયા, સંજયભાઈ અલગારી, યોગેશભાઈ રંગપરીયા, મયંક દેવમુરારી, મેહુલભા ગઢવી, પંકજ સનારીયા, ધવલ ત્રિવેદી, મોસીન શેખ, મોહમદશા શાહમદાર, રિતેશભાઈ સંચાણિયા સહિતના સભ્યો હાજર રહ્યા હતા.
મોરબીમાં આગામી ૦૧/૧૧/૨૦૨૫ થી ૦૭/૧૧/૨૦૨૫ સુધી રવાપર ઘુનડા રોડ, પાણીના ટાંકા સામે, મુ. વિરપર, તા. ટંકારા, જિ-મોરબી ખાતે પૂજ્ય દાદા ભગવાનની ૧૧૮ મી જન્મ જયંતીની ઉજવણી અન્વયે ધાર્મિક મહોત્સવ સભા યોજાવાની છે. જ્યાં યોજાનાર વિવિધ કાર્યક્રમોમાં બહારગામ થી દરરોજના હજારોની સંખ્યામાં લોકો ભાગ લેશે. આ રોડ પર વધુ ભીડભાડ રહેવાની હોવાથી કાર્યક્રમ સ્થળ પાસેથી સનાળા તથા રવાપર ગામથી ઘુનડા ગામ તથા જડેશ્વર મંદિર અવર જવાનો રોડ નીકળતો હોવાથી આ કાર્યક્રમમાં બહારથી મોટી સંખ્યામાં નાના મોટા વાહનોથી બાળકો તથા અનુયાયીઓ આવવાના હોય અને ઉપરોક્ત રોડ પર ભારે વાહનોની અવર વધુ પ્રમાણમાં રહેતી હોવાથી મોરબી અધિક જિલ્લા મેજિસ્ટ્રેટશ્રી દ્વારા સનાળા તથા રવાપર ગામથી ઘુનડા ગામ તથા જડેશ્વર મંદિર તરફ અવર-જવર કરવા વિવિધ રૂટ પર ભારે વાહનોના પ્રવેશ પર પ્રતિબંધ મૂકવામાં આવ્યો છે. આ જાહેરનામા અનુસાર સનાળા ગામ તરફથી ઘુનડા ગામ તથા જડેશ્વર મંદિર તરફ આવતો ભારે વાહનો પ્રવેશી શકશે નહીં. રવાપર ગામ તરફથી ઘુનડા ગામ તથા જડેશ્વર મંદિર તરફ આવતા ભારે વાહનો પ્રવેશી શકશે નહીં. ઘુનડા ગામ તથા જડેશ્વર મંદિર તરફથી રવાપર ગામ તરફ આવતા ભારે વાહનો પ્રવેશી શકશે નહીં. ઘુનડા ગામ તથા જડેશ્વર મંદિર તરફથી સનાળા ગામ તરફ આવતા ભારે વાહનો પ્રવેશી શકશે નહીં. વીરપર ગામના કાચા રસ્તેથી ઘુનડા ગામ, જડેશ્વર મંદિર તરફ આવતા ભારે વાહનો પ્રવેશી શકશે નહીં. વીરપર ગામના કાચા રસ્તે થી રવાપર ગામ સનાળા ગામ તરફ આવતા ભારે વાહનો પ્રવેશી શકશે નહીં. વૈકલ્પિક માર્ગ: સનાળા ગામ તરફથી ઘુનડા ગામ તથા જડેશ્વર મંદિર તરફ આવતા વાહનો લજાઈ ચોકડી હડમતીયા ગામ થી ઘુનડા ગામ તથા જડેશ્વર મંદિર તરફ જઈ શકશે. રવાપર ગામ તરફથી ઘુનડા ગામ તથા જડેશ્વર મંદિર તરફ આવતા વાહનો ઘુનડા ચોકડી થી રાજપર ચોકડી લજાઇ ચોકડી હળમતીયા ગામથી ઘુનડા ગામ તથા જડેશ્વર મંદિર તરફ જઈ શકશે. ઘુનડા ગામ તથા જડેશ્વર મંદિર તરફથી સનાળા ગામ તરફ આવતા વાહનો હડમતીયા ગામ લજાઈ ચોકડી થી સનાળા ગામ તરફ જઈ શકશે. વીરપર ગામના કાચા રસ્તા તરફથી ઘુનડા ગામ, જડેશ્વર મંદિર તરફ આવતા વાહનો લજાઇ ચોકડી હડમતીયા ગામથી ઘુનડા ગામ, જડેશ્વર મંદિર તરફ જઈ શકશે. વીરપર ગામના કાચા રસ્તા તરફથી રવાપર ગામ સનાળા ગામ તરફ આવતા વાહનો રાજપર ચોકડીથી રવાપર ગામ સનાળા ગામ તરફ જઈ શકશે. આ જાહેરનામુ ૦૧/૧૧/૨૦૨૫ થી ૦૭/૧૧/૨૦૨૫ (સવારે ૦૮:૩૦ કલાકથી રાત્રિના ૧૦:૩૦ કલાક) સુધી અમલમાં રહેશે. આ જાહેરનામાની જોગવાઈઓની અમલવારી માંથી ગુજરાત રાજ્ય વાહન વ્યવહાર નિગમના વાહનો, સરકારી વાહનો, નગરપાલિકાના વાહનો, પીજીવીસીએલના વાહનો, સબવાહિની, એમ્બ્યુલન્સ, ફાયર ફાઈટર, સ્કૂલ/કોલેજના વાહનો, સામાજિક/ધાર્મિક પ્રસંગોને લગત ભારે વાહનો, આવશ્યક ચીજવસ્તુ સાથે સંકળાયેલ તમામ વાહનો તેમજ પૂર્વ મંજૂરી મેળવેલ હોય તેવા વાહનોને મુક્તિ આપવામાં આવે છે
ટંકારા પડધરીના ધારાસભ્ય દુર્લબજીભાઈ દેથરીયા દ્વારા ગુજરાત નાં મુખ્યમંત્રી નાયબ મુખ્યમંત્રી કૃષિ મંત્રી સહિતનો ને પત્ર લખી ખેડૂતોને પડેલ નુકસાનની ભરપાઈ કરવા માંગ કરી છે ટંકારા પડધરીના ધારાસભ્ય દુર્લભજીભાઈ દેથરીયાએ સરકારને પત્ર લખી રજૂઆતમાં જણાવ્યું છે કે મારા મત વિસ્તાર મોરબી ટંકારા પડધરી રાજકોટ તાલુકામાં કમોસમી વરસાદને કારણે ખેડૂતોના તૈયાર પાક નિષ્ફળ ગયેલ છે તેમજ ખેતરોમાં ઉભા પાકને પણ નુકસાન થયેલ છે કમોસમી વરસાદને કારણે મોટાભાગના ખેડૂતોના પાક નિષ્ફળ ગયેલ હોવાથી ખૂબ જ નુકસાન થયેલ છે જેમાં મગફળી અને કપાસ સહિતના પાકોનું મોટાભાગે વાવેતર થયેલ હોય કમોસમી વરસાદને કારણે પાક નિષ્ફળ જતાં ખેડૂતોની આશા ઉપર પાણી ફરી વળ્યું છે જેથી ખેડૂતોના હિત ને ધ્યાનમાં લઇ મારા મતવિસ્તારમાં સત્વરે નુકસાનનું સર્વે કરાવી ખેડૂતોને સહાય પેટે વળતર આપવા ગુજરાત મુખ્યમંત્રી ભુપેન્દ્ર પટેલ નાયબ મુખ્યમંત્રી હર્ષ સંઘવી કૃષિ મંત્રી જીતુભાઈ વાઘાણી પાસે માંગ કરી છે
