મોરબીમાં છેલ્લા ત્રણ દાયકાથી શિક્ષણ ક્ષેત્રે કાર્ય કરી રહેલ ડોક્ટર બાબા સાહેબ આંબેડકર ચેરીટેબલ ટ્રસ્ટ મોરબી દ્વારા નવી માધ્યમિક શાળાના બિલ્ડીંગ નિર્માણ લાભાર્થે દ્વિતીય સમૂહ લગ્નોત્સવ નું આયોજન કરેલ જેમાં 11 નવ યુગલો એ પ્રભુતામાં પગલાં માંડેલ. ડોક્ટર બાબા સાહેબ આંબેડકર ચેરીટેબલ ટ્રસ્ટ દ્વારા ડો. બાબાસાહેબ આંબેડકર પ્રાથમિક વિદ્યાલય, વિજયનગર, રોહીદાસ પરા પાછળ, મોરબી ખાતે વર્ષ 2001થી કાર્યરત છે. જેમાં ધોરણ એક થી આઠ ના 240 વિદ્યાર્થીઓ અભ્યાસ કરી રહ્યા છે જેઓ માટે શિક્ષણનીની સગવડતા વધુ કરવાના હેતુસર નવી માધ્યમિક શાળા ધોરણ 9 અને 10 નું આગામી વર્ષમાં શરૂ કરવાનું આયોજન કરેલ છે જેના ભાગરૂપે નવી બિલ્ડીંગના લાભાર્થે આ દ્વિતીય સમુહ લગ્ન સુધી આયોજન કરેલ, આ પ્રસંગે મોરબી જિલ્લા પંચાયત પ્રમુખ હંસાબેન પારઘી, દેવકણભાઈ આદ્રોજા, ગંગા સ્વરૂપ સહાય સમિતિ, કે.જી. કુંડારિયા જાણીતા ઉદ્યોગપતિ, મહંત શ્રી સીતારામ બાપુ કષ્ટભંજન હનુમાન મોલડી સહિત શિક્ષણ દાતાઓ તેમજ સમૂહ લગ્નોત્સવના મુખ્ય દાતાઓ ઉપસ્થિત રહેલ. તમામ નવયુગલોને ઘરવખરીની તમામ જીવન જરૂરિયાતો ની 83થી વધુ વસ્તુઓ સાથે ચાંદીના સાંકડા અને સોનાની નાકની ચૂક દાન સ્વરૂપે આપવામાં આવેલ. જ્યારે શિક્ષણ દાતા તરીકે શ્રી દેવકણભાઈ આદ્રોજા દ્વારા નવા નિર્માણ દિન કુલ બિલ્ડિંગમાં એક વર્ગખંડ ના દાતા તરીકે દાન આપ્યું, જ્યારે ટ્રસ્ટના મંત્રી કેશવ લાલ રામજીભાઈ ચાવડા દ્વારા પ્રિન્સિપાલ ઓફિસ નિર્માણનું દાન આપ્યું, તેમજ ઉદ્યોગપતિ કેજી કુંડારિયા દ્વારા સ્ટાફ રૂમ નિર્માણ કરી દેવાની જાહેરાત કરી હતી. આ શુભ પ્રસંગે ભોજન ના દાતા તરીકે શ્રી જમનાદાસ મોતીભાઈ હિરાણી હરિહર અન્ન ક્ષેત્ર તરફથી 1700 થી વધુ મહેમાનોને ભોજન કરાવ્યું હતું. તેમજ નવનિર્મિત બિલ્ડિંગના નિર્માણ અર્થે નૌતમભાઈ દેવજીભાઈ સોલંકી દ્વારા 25000 રૂપિયા, પ્રવીણભાઈ છગનભાઈ સોલંકી દ્વારા ૨૫૦૦૦ રૂપિયા, સ્વર્ગસ્થ બાબુભાઈ ડાયાભાઈ પરમાર પરિવાર તરફથી 21000 રૂપિયા, શ્રી ટપુભાઈ દેવજીભાઈ પરમાર તરફથી 21000 રૂપિયા, એડવોકેટ દીપકભાઈ ડી પરમાર તરફથી 21000 રૂપિયા, શ્રી મંગાભાઈ રામજીભાઈ ચાવડા તરફથી 11, 111, શ્રી માલજીભાઈ ભીખાભાઈ પારીયા તરફથી 11,111, શ્રી મણીભાઈ વાલજીભાઈ ચાવડા તરફથી 11, 111, જમનાદાસ ટપુભાઈ પરમાર તરફથી 11, 000, વિનોદભાઈ ખાનાભાઈ સાગઠીયા તરફથી 11000, મૂળજીભાઈ દેવજીભાઈ સોલંકી તરફથી 11000, શૈલેષભાઈ વાલજીભાઈ રાઠોડ તરફથી 11000, મેઘજીભાઈ હીરાભાઈ ચૌહાણ પરિવાર તરફથી 11000, પ્રવીણભાઈ ટપુભાઈ સાગઠીયા તરફથી 11000, સુખાભાઈ જી મકવાણા તરફથી 11000, જયેશભાઈ ખીમજીભાઇ સાથે તરફથી 10088 નાનજીભાઈ ભીખાભાઈ બોસિયા તરફથી 10,000, મનસુખભાઈ ધનજીભાઈ સાગઠીયા તરફથી 10,000, પ્રવીણભાઈ બાબુભાઈ શુકલ તરફથી 10,000, અમૃતભાઈ આંધળાભાઈ જાદવ તરફથી 10000, ભરતકુમાર દેવજીભાઈ જાદવ તરફથી 10000 રૂપિયા શિક્ષણ પેટે દાન આપેલ. તેમજ સમૂહલગ્નોત્સવના મુખ્ય દાતા તરીકે ભરતભાઈ દુદાભાઈ પરમાર, સુરેશકુમાર કેશવલાલ ચાવડા, એડવોકેટ હસમુખભાઈ સોલંકી, મોતીભાઈ અમરાભાઇ પરમાર, સ્વર્ગસ્થ જીવાભાઇ રવજીભાઈ મકવાણા ના પરિવાર, દ્રિસના નંદની પારીઆ, દિનેશભાઈ ખેંગારભાઈ પરમાર, કેશુભાઈ કે સાગઠીયા તેમજ મુસ્કાન વેલ્ફેર સોસાયટી સહિતના દાતાઓએ તેમની યથાશક્તિ મુજબ તમામ 11 કન્યાઓને કરિયાવર આપેલ. ટ્રસ્ટ દ્વારા તમામ દાતાઓને સીલ આપી સન્માનિત કરાયા હતા. ડોક્ટર બાબા સાહેબ આંબેડકર ચેરીટેબલ ટ્રસ્ટના પ્રમુખ જમનાદાસભાઈ ટપુભાઈ પરમાર અને મંત્રી કેશવલાલ ચાવડા દ્વારા શિક્ષણ પ્રેમી દાતાઓને શિક્ષણના લાભાર્થે દાન આપવા માટે 9925801260 પર સંપર્ક સાંધવા અપીલ કરી છે.
વાંકાનેર ખાતે દર વર્ષની જેમ આ વર્ષે પણ રાબેતા મુજબ મદાર એજ્યુકેશન એન્ડ ચેરીટેબલ ટ્રસ્ટ દ્વારા 11 દુલ્હન દુલ્હન ની એક જ મંડપ નીચે સમૂહ લગ્ન મહોત્સવ યોજાશે તારીખ 5,4,2025 ના રોજ સમૂહ લગ્ન મહોત્સવ યોજાશે જેના ફોર્મ મેળવવા માટે સંપર્ક સેતુ મદાર એજ્યુકેશન એન્ડ ચેરીટેબલ ટ્રસ્ટ પ્રમુખ જહાંગીરશા બાપુ મો.7778857351 તેમજ મદાર એજ્યુકેશન એન્ડ ચેરીટેબલ ટ્રસ્ટ ઉપપ્રમુખ યાસીન બાપુ મો.નં.8160295213, મદાર એજ્યુકેશન એન્ડ ચેરીટેબલ ટ્રસ્ટ મંત્રી આરીફ દિવાન મો.નં.9723563374 નો સંપર્ક કરવો મદાર એજ્યુકેશન ચેરીટેબલ ટ્રસ્ટ ના સમૂહ લગ્ન મહોત્સવનું સ્થળ લિંબાળા ની ધારે તાલુકો વાંકાનેર જીલ્લો મોરબી રહેશે
વિદેશમા વેપાર ધંધા અર્થે વેપારીઓ પાસેથી મોટી રકમ પડાવી ફ્રોડ આચરનાર ગેંગના વધુ એક સભ્યને દિલ્હી ખાતેથી મોરબી સાયબર ક્રાઇમ ટીમે ઝડપી પાડયો છે. છેલ્લા ઘણા લાંબા સમયથી ન્યુ દિલ્હી ખાતે ટ્રેડ ફન્ડામેન્ટલ પ્રા.લી.કંપની તથા જી.બી.એફ.એસ.વીંગ્સ પ્રા.લી. નામની બે કંપનીઓ દ્વારા અલગ અલગ વેપાર ધંધા કરતા વેપારીઓને તેઓનો ધંધો વધારવા અને વિદેશમાં તેઓનો માલ એક્ષ્પોર્ટ કરવાની લોભાણી અને લલચાણી સ્કીમો ઓન લાઇન વેબ સાઇડ ઉપર મુકી વેપારીઓ સાથે મોટી રકમનું આર્થીક ફોર્ડ આચરી સાયબર ક્રાઇમ સંગઠીત ગુના ટોળી બનાવી સાઇબર ક્રાઇમ આચરતા હતા. મોરબીના વેપારી કે જેઓ કોકોપીટ નામની વસ્તુનું પ્રોકટશન કરતા હોય અને તેઓને પોતાનો વેપાર વિદેશમાં કરવો હોય જેથી તેઓ ગુગલસર્ચ ઉપર તપાસ કરતા ઉપરોકત કંપનીનો સંપર્ક સાધતા ટ્રેડ ફન્ડામેન્ટલ પ્રા.લી. કંપની તથા જી.બી.એફ.એસ. વીંગ્સ પ્રા.લી. વાળાઓએ આ વેપારીને ઓનલાઇન માહિતી આપી તેઓની પ્રોડકટનું હોગંકોગ ની ACES TRADING નામની કંપનીમાં ડીલીંગ કરાવી આપવાના બહાના તળે આ બન્ને કંપનીના માલીક, મેનેજર તથા એમ્પોય એમ બધા સંગઠીત થઇ અલગ અલગ સ્કીમો તથા તેના ચાર્જ તળે કંપનીના ડાયરેકટર, મેનેજર તથા કંપનીમાં કામ કરતા કર્મચારીઓ મારફતે વોટસઅપ, ટેલીફોનનીક વાતચીત તથા ઇ-મેઇલ સંદેશા વ્યવહાર મારફતે ફરીયાદી, દેવેન્દ્રભાઇ નરસિંહભાઇ દેત્રોજા રહે. મોરબી વાળા એવીયર ઇમ્પેક્ષ નામની કંપની ચલાવી કોકોપીટનું પ્રોડકટ વિદેશમાં એક્ષ્પોર્ટ કરવાના બહાને ફરીયાદી પાસેથી સને ૨૦૨૩ થી ૨૦૨૫ સુધીમાં અલગ અલગ બેન્ક એકાઉન્ટમાં કુલ રૂ.૧,૭૨,૮૮,૪૦૦/- ની રકમનું ટ્રાન્ઝેકશન કરાવી ફરીયાદી ને હોંગકોગમાં કોઇ જ વેપાર ધંધો કે માલ એક્ષ્પોર્ટ ન કરાવી આપતા ફરીયાદીએ આ ત્રણેય કંપની વિરૂધ્ધ રૂ. ૧,૭૨,૮૮,૪૦૦/- જેટલા નાણા પડાવી લેવા અંગે સાયબર ક્રાઇમ ફ્રોડ આચેરલની ફરીયાદ મોરબી સાયબર ક્રાઇમ પોલીસ સ્ટેશન ખાતે નોંધાવી હોય. આ ગુનાની તપાસના માટે તાત્કાલીક આરોપીઓની ટેકનીકલી માહીતી એકત્રીત કરી સાયબર ક્રાઈમ પોલીસ સ્ટાફની ટીમ બનાવી દિલ્હી મુકામે તપાસ કરતા ફ્રોડ આચરનાર મુખ્ય આરોપીએ ફ્રોડથી મેળવેલ નાણા પોતાના પિતાના બેંક એકાઉન્ટમાં ટ્રાન્સફર કરેલ હોય જે નાણા ફ્રોડના હોવાનુ અટક કરેલ આરોપી જાણતો હોવા છતા તે નાણા પોતાના અંગત ફાયદામા વાપરેલ હોય જે આરોપી જયકીશન ભાનારામ સિંગલા (ઉ.વ.૫૨) રહે. સેકટર નં. ૨૧, પોકેટ નં. ૨, મકાન નં. ૮, રોહીણી, ન્યુ દિલ્હીવાળાને દિલ્હી ખાતેથી હ્યુમનસોર્સ મારફતે બાતમી મેળવી પકડી પાડવામાં સફળતા મળેલ છે જે ઇસમને મોરબી સાયબર ક્રાઇમ પોલીસ સ્ટેશન ખાતે લાવી જરૂરી દિન-૨ ના પોલીસ રીમાન્ડ મેળવી આગળની તપાસ હાથ ધરેલ છે.
સરદાર પટેલના વિચારોને જીવનમાં ઉતારવા યુવાનોને અનુરોધ કરતા જિલ્લા પંચાયત પ્રમુખશ્રી હંસાબેન પારેઘી આર્ય સમાજ સંસ્થા, ટંકારાથી મહાનુભાવોએ યાત્રાનું પ્રસ્થાન કરાવ્યું; હરબટીયાળી ખાતે સમાપન થયું સરદાર પટેલની ૧૫૦ મી જન્મ જયંતી નિમિત્તે મોરબી જિલ્લામાં ટંકારા વિધાનસભા મતવિસ્તારની એકતા પદયાત્રા યોજાઈ હતી. આ પદયાત્રાનું જિલ્લા પંચાયત પ્રમુખશ્રી હંસાબેન પારેઘી સહિતના મહાનુભાવોની ઉપસ્થિતિમાં પ્રસ્થાન કરાવવામાં આવ્યું હતું. આ પ્રસંગે જિલ્લા પંચાયત પ્રમુખશ્રીએ આ આયોજન અન્વયે શુભેચ્છાઓ પાઠવી હતી અને સરદાર પટેલના જીવનના પ્રસંગો વર્ણવી તેમની નીડરતા અને વિચારોને આજની યુવા પેઢીને જીવનમાં ઉતારવા અનુરોધ કર્યો હતો. ધારાસભ્યશ્રી દુર્લભજીભાઈ દેથરીયાએ જણાવ્યું હતું કે, સરદાર વલ્લભભાઈ પટેલની ૧૫૦ મી જન્મ જયંતીની સમગ્ર દેશમાં ઉત્સાહભેર ઉજવણી કરવામાં આવી રહી છે. જેના ભાગરૂપે ટંકારા વિધાનસભા મતવિસ્તારમાં આ કાર્યક્રમ યોજાયો છે. સરદાર પટેલ કે, જેમણે દેશ દુનિયાને અખંડિતતાનો સંદેશો આપ્યો એવા લોખંડી પુરુષના વિચારોને જન જન સુધી પહોંચાડવાના હેતુથી આ કાર્યક્રમ યોજાયો છે. વક્તાશ્રી અનિરુદ્ધસિંહ પઢિયારે લોખંડી પુરુષ શ્રી સરદાર પટેલના જીવન-કવન તેમજ ભારતની આઝાદીની લડત, વિવિધ સત્યાગ્રહો તથા ભારતના એકીકરણમાં તેમની ભૂમિકા પર વક્તવ્ય આપ્યું હતું. આર્ય સમાજ ટંકારા ખાતે મહાનુભાવોએ શ્રી સરદાર પટેલની પ્રતિમાને ફૂલહાર તેમજ સુતરની આંટી પહેરાવી હતી તેમજ લીલી જંડી બતાવી આ યાત્રાનું પ્રસ્થાન કરાવ્યું હતું. હરબટીયાળી ખાતે બાળાઓ દ્વારા યાત્રાનું કંકુ તિલક કરી સ્વાગત કરવામાં આવ્યું હતું અને ગ્રામજનોએ આ યાત્રાને આવકારી હતી. હરબટીયાળી ખાતે મહાનુભાવો દ્વારા સરદાર પટેલની પ્રતિમાને ફૂલહાર પહેરાવી યાત્રાનું સમાપન કરવામાં આવ્યું હતું. સમાપન વેળાએ સર્વે ઉપસ્થિતોએ સ્વદેશીના શપથ ગ્રહણ કર્યા હતા. આ યાત્રા દરમિયાન ટંકારા સર્કિટ હાઉસ પાસે ડો.બાબા સાહેબ આંબેડકર ભવન સેવા સમિતિ ટંકારા દ્વારા આ યાત્રાનું ફુલહાર તેમજ પુષ્પવર્ષા કરી અને જબલપુર ખાતે બાળાઓ દ્વારા રથને કંકુ તિલક કરી યાત્રાનું સ્વાગત-અભિવાદન કરવામાં આવ્યું હતું. આ પ્રસંગે પૂર્વ સાંસદશ્રી મોહનભાઈ કુંડારીયા, મોરબી તાલુકા પંચાયત પ્રમુખશ્રી અશોકભાઈ દેસાઈ, પ્રાંત અધિકારીશ્રી પ્રવીણસિંહ જેતાવત, અગ્રણીશ્રી જયંતીભાઈ રાજકોટિયા, આરડીસી બેંક ટંકારાના ડિરેક્ટરશ્રી સંજય ભાગીયા, ટંકારા મામલતદારશ્રી પી.એન. ગોર સહિતના મહાનુભાવો ઉપસ્થિત રહ્યા હતા, આ યાત્રામાં મહાનુભાવો, અગ્રણીઓ, પદાધિકારીશ્રીઓ/અધિકારીશ્રીઓ તથા વિદ્યાર્થીઓ આ યાત્રામાં ઉત્સાહભેર જોડાયા હતા.
મોરબીમાં બેલા(રંગપર) ખાતે શ્રમ, રોજગાર અને કૌશલ્ય વિકાસ રાજ્યમંત્રી કાંતિભાઈ અમૃતિયાની અધ્યક્ષતામાં રોડ રસ્તાના ખાતમુહૂર્તનો કાર્યક્રમ યોજાયો હતો. જ્યાં મંત્રીના વરદ હસ્તે માર્ગ અને મકાન વિભાગ પંચાયત તથા સ્ટેટ હસ્તકના રૂ. ૫૯.૭૭ કરોડથી વધુના રોડ રસ્તાના કામોનું ખાતમુહૂર્ત કરવામાં આવ્યું હતું. આ પ્રસંગે મંત્રી કાંતિભાઈ અમૃતિયાએ જણાવ્યું હતું કે, એક આદર્શ રોડ મેપ બનાવી મોરબી જિલ્લામાં વિકાસ કાર્યો કરવામાં આવી રહ્યા છે. વિકાસના પંથે મોરબી હજુ આગળ વધે અને બહારના લોકોને મોરબી આવવાનું મન થાય તે માટે સૌને સહિયારા પ્રયાસ કરવા મંત્રીએ અનુરોધ કર્યો હતો. જિલ્લા પંચાયત પ્રમુખ હંસાબેન પારેઘીએ જણાવ્યું હતું કે, સૌનો સાથ સૌનો વિકાસ અને સૌના વિશ્વાસ ની નેમ સાથે મોરબી જિલ્લામાં અનેક વિકાસ કાર્યો નિર્માણ પામી રહ્યા છે. અને રાજ્યની સાથે મોરબી જિલ્લો વિકાસના માર્ગે હરણફાળ કરી રહ્યો છે. પ્રાસંગિક પ્રવચન આપતા જિલ્લા વિકાસ અધિકારીએ જણાવ્યું હતું કે કોઈ પણ ક્ષેત્રના વિકાસ માટે રોડ રસ્તા ખૂબ જ મહત્વના છે. ત્યારે આ માર્ગોના નિર્માણ થકી મોરબીના વિકાસને વધુ વેગ મળશે. મોરબી જિલ્લામાં વાહન વ્યવહાર સુગમ બનાવવા તથા પરિવહન ક્ષેત્રે માળખાકીય પરિવર્તન માટે અંદાજે રૂ. ૨૮.૪૩ કરોડથી વધુના ખર્ચે બેલા ભરતનગર (ખોખરા હનુમાન) રોડ, અંદાજે રૂ. ૭.૯૦ કરોડના ખર્ચે પીપળીયા-મહેન્દ્રગઢ-સરવડ રસ્તાનું રીસર્ફેસિંગ, અંદાજે રૂ. ૭.૫૧ કરોડથી વધુ ના ખર્ચે ઝિકિયારી ખાતે મેજર બ્રિજ અને અંદાજે રૂ. ૧૫.૯૩ કરોડથી વધુના ખર્ચે અણીયારી વેજલપર ઘાટીલા રોડ સહિતના રોડ રસ્તાના કાર્યોની ભેટ મંત્રીએ મોરબી જિલ્લાને અર્પણ કરી હતી. આ પ્રસંગે મોરબી જિલ્લા કારોબારી સમિતિના ચેરમેન પ્રવીણભાઈ સોનગ્રા, મોરબી તાલુકા પંચાયતના પ્રમુખ અશોકભાઈ દેસાઈ, જિલ્લા પંચાયતના સદસ્ય જીગ્નેશભાઈ કૈલા, માર્ગ અને મકાન વિભાગ (સ્ટેટ)ના કાર્યપાલક ઇજનેર દિગ્વિજય સોલંકી, માર્ગ અને મકાન વિભાગ (પંચાયત)ના કાર્યપાલક ઈજનેર દિવ્યેશભાઈ બાબરવા, મોરબી ચેમ્બર ઓફ કોમર્સના ચેરમેન જયંતીભાઈ પટેલ, મોરબી સિરામિક એસોસિએશનના પ્રમુખ મનોજભાઈ એરવાડીયા તથા પદાધિકારીઓ અને અધિકારીશ્રીઓ તથા ગ્રામજનો ઉપસ્થિત રહ્યા હતા. તેમજ ખોખરા હનુમાન થી બેલા રોડ જે પીપળી જેતપુર રોડના સિરામિક ઉદ્યોગોની જીવાદોરી સમાન હોય અને આ રસ્તા ના ઝડપથી મંજૂરી મેળવી અને કામગીરી ચાલુ કરાવી તે બદલ સિરામિક એસોસિયેશનના પ્રમુખ મનોજભાઈ એરવાડીયાએ મોરબી સીરામીક ઉદ્યોગકારો વતી માનનીય મુખ્યમંત્રી અને રાજ્ય સરકારના વહીવટી તંત્ર તથા રાજ્યમંત્રી કાંતિભાઈ અમૃતિયા નો આભાર વ્યક્ત કર્યો હતો
