ઇન્ડોનેશિયા ખાતે ઇન્ટરનેશનલ ઓર્ગેનાઇજેશનની વર્કીંગ કમિટીની મીટીંગ યોજાયેલ હતી. જે ISO-TC/189 સિરામિક ટાઇલ્સ માટેનુ ઇન્ટરનેશનલ ઓર્ગેનાઇજેશન છે. જેમાં પુરા વિશ્વભર માંથી ૨૯ દેશ સભ્ય છે. તેમાંથી ૨૬ દેશ ના ડેલિગેશન ISO-TC/189 ની મીટીંગમાં હાજર રહેલ. આ વર્કિંગ કમીટી ની મીટીંગ ઇન્ડોનેશિયા ના યોગ્યાકર્તા શહેર માં તા.૧૩/૧૪ નવેમ્બરે આયોજીત થયેલ. જેમાં ભારતીય ડેલિગેશનના પ્રતિનિધી તરીકે પાંચ મેમ્બર આ મીટીંગ માં યોગ્યાકર્તા – ઇન્ડોનેશિયા માં હાજર રહ્યા હતા. જેમાં ડો. અશોક ખુરાના -ચેરમેન બ્યુરો ઓફ ઇન્ડીયન સ્ટાન્ડર્ડ – દિલ્હી , આર.ડી.માથુર- BIS કમિટી મેમ્બર ,પોલસન કે. – BIS કમિટી મેમ્બર, મોરબી સિરામિક એસોસિએશન પ્રમુખ હરેશ બોપલિયા, જેરામભાઇ કાવર- BIS કમિટી મેમ્બરે હાજરી આપેલ. ગત વર્ષે ચાઇના ડેલિગેશન તરફ થી સ્લેબ ટાઇલ્સ માં ઇલાસ્ટીક મોડ્યુલસ ફોર સબટ્રેસ એન્ડ ગ્લેઝ લેયર નામ નો ટેસ્ટ ફરજીયાત દાખલ કરવા માંગતા હતા અને આ બાબત ની ટેસ્ટ મેથળ રજુ કરેલ હતી. જેમાં ભારતીય ડેલિગેશન તરફ થી જોરદાર વિરોધ નોંઘાવેલ હતો અને આ વિરોધ ને ટેકો આપવા માટે અમેરિકા,ઇટાલિ,બ્રાઝીલ,ઓસ્ટ્રેલિયા અને તર્કી ના ડેલિગેશન આગળ આવ્યા હતા અને ધારદાર રજુઆત કરી હતી. ચાઇના સામે ભારત ના આ વિરોધ ની કમિટી ના ચેરમેન ડો. સેન્ડર્સ જોહ્ન પી.- અમેરિકા એ નોંધ લઇને ભારત ની તરફેણ માં નિર્ણય આપ્યો હતો અને ચાઇના ની કાવતરા ખોર નીતી ખુલ્લી પડી હતી. આ વર્ષે ચાઇના દ્રારા સ્લેબ ટાઇલ્સ માટે બીજું સ્ટાન્ડર્ડ ફ્લક્ચર સ્ટ્રેન્થ ઓફ ગ્લેઝ લાવવા માટે મરણિયા પ્રયાસો કરેલા. પરંતુ ભારત ના ડેલિગેશન સાથે અન્ય દેશો એ વિરોધ નોંધાવી ચાઇના ની કુટનિતી નો ફિયાસ્કો થયો હતો અને તેનુ છેતરામણી ભર્યુ સ્ટાન્ડર્ડ કેન્સલ થયુ હતુ અને ચાઇના ને વધુ એક લપડાક લાગી હતી. આ ટેસ્ટ આવવા થી આપણા મોરબી ના જીવીટી બનાવતા એકમો ને ઘણી બધી નુકસાની જાય તેમ છે. કારણ કે આ ટેસ્ટ મુજબ ની ગુણવતા માટે ની ટાઇલ્સ બનાવવા માટે આપણા ભારત માં આ સ્ટાન્ડર્ડ માટે નુ રો મટીરીયલ અવેલેબલ નથી. જો આ ટેસ્ટ આંતર રાષ્ટ્રિય સ્ટાન્ડર્ડ માં આવે તો આ મુજબ ની ગુણવતા વાળી ટાઇલ્સ બનાવવા માટે ભારતે બીજા દેશ પર રો મટીરીયલ્સ માટે આધારીત રહેવુ પડે. આ સ્ટાન્ડર્ડ પ્રાપ્ત કરવા માટે રો મટિરિયલ ઇમ્પોર્ટ કરવુ પડે અને પડતર ઉંચી આવતા વૈશ્વિક માર્કેટમાં મોરબી ના સિરામિક ઉધોગ ટકી શકે નહી. આ બાબત ચાઇના સારી રીતે જાણતુ હોય પોતાની અનુકૂળતા મુજબ ISO સ્ટાન્ડર્ડ પાસ કરાવી મોરબી સિરામિક ઉદ્યોગ ને આંતરરાષ્ટ્રીય માર્કેટ માંથી ખતમ કરવા માંગે છે. પરંતુ આ તકે ચાઇના ની મેલી મુરાદ ને સમયે પારખી ને ભારતીય ડેલિગેશને બિન જરુરી ટેસ્ટ મેથડ નો વિરોધ કર્યો હતો. આ રીત ના સ્ટાન્ડર્ડ ભવિષ્ય માં અમલ ના થાય તેના માટે બ્યુરો ઓફ ઈન્ડિયન સ્ટાન્ડર્ડ- દિલ્હી હર હમંશા સતર્ક રહે છે અને મોરબી સિરામિક ઉધોગ ને જરુર માર્ગદર્શન આપે છે. દર વર્ષ યોજાતી ISO ની મીટીંગ માં ભારત સરકાર – BIS – દિલ્હી જરુરી માહીતી મોરબી સિરામિક ઉધોગ ને આપી ચાઇના થી સચેત રહેવા જરુરી માર્ગદર્શન પુરુ પાડે છે અને સહયોગ આપી મોરબી સિરામિક એસોસિએશન સાથે મીટીંગ આયોજીત કરી ઉદ્યોગને પ્રોત્સાહન આપી બળ પુરુ પાડે છે.
મોરબી માં પ્રેસ મીડિયા એસોસિયેશન-મોરબી દ્વારા ફ્રી મેડિકલ કેમ્પનું આયોજન કરવામાં આવ્યું! સાતસો થી વધુ લોકો એ તેમના દર્દ નુ ચેકઅપ કરાવ્યું! મોરબીમાં પ્રેસ મીડિયા એસોસિયેશન-મોરબ દ્વારા રવિવારે તારીખ ૯-૧૧- નાં રોજ અયોધ્યાપુરી મેઇન રોડ ઉપર આવેલા જલારામ મંદિરે ભવ્ય ફ્રી મેડિકલ કેમ્પનું આયોજન કરવામાં આવ્યું હતું. જેમાં સાતસો થી વધુ લોકોએ પોતાના દર્દ નુ ચેકઅપ કરાવીને ફ્રી દવા નો લાભ મેળવ્યો હતો. પ્રેસ મીડિયા એસોસિયેશન- મોરબી આયોજીત કેમ્પમાં સેવા આપતા સર્વે ડોકટર અને તેમની ટીમ જલારામ મંદિર ટ્રસ્ટી ચેમ્બર ઓફ કોમર્સ પ્રમુખ સિરામિક પ્રમુખો મોરબી dysp ઝાલા સાહેબ મુસ્કાન વેલ્ફેર ફાઉન્ડેશન સહિત જોડાયેલ તમામ લોકો નો આભાર વ્યક્ત કર્યોહતો. આજે સવારથી જ પ્રેસ મીડિયા એસોસિયેશન-મોરબી નાં સભ્યો જલારામ મંદિરે મેડિકલ કેમ્પમાં પહોંચી ગયા હતા અને યથા શક્તિ કામગીરી શરૂ કરી દીધી હતી અને 9 વાગ્યે સિરામિક એસોસિયેશન ના પ્રમુખ હરેશભાઇ બોપલિયા મુકેશભાઈ કુંડારીયા તેમજ ચેમ્બર ઓફ કોમર્સના પ્રમુખ જયંતીભાઈ જયરાજભાઇ પટેલ સહિત નાં આગેવાનો એ ઉપસ્થિત રહી ને દીપ પ્રાગટ્ય કરીને આ ફ્રી મેડિકલ કેમ્પનો પ્રારંભ કર્યો હતો. જેમાં રજીસ્ટ્રેશન કરાવીને જે દર્દ હોય તે દર્દી માટે ડોક્ટરોની પેનલ હતી તેમની પાસે મોકલી દેવામાં આવતા હતા અને તેમનું નિદાન કરીને જરૂરી દવાની ભલામણ કરતા ફ્રી દવાઓ પણ મેળવી હતી આ સમયે શહેર તથા ગામના અનેક સામાજિક કાર્યકરો, મોરબી નાં ડીવાયએસપી ઝાલા, જલારામ મંદિર નાં ટ્રસ્ટીઓ, સહિત અનેક આગેવાનો એ આ મેડિકલ કેમ્પની મુલાકાત લઈ ને આયોજકો નેં શુભેચ્છાઓ પાઠવી હતી. મોરબી જિલ્લામાં પત્રકાર ક્ષેત્રે કામ કરતાં ૧૮ થી ૨૦ નું યુનિટ બનીને પ્રેસ મીડિયા એસોસિયન મોરબી ની રચના થઈ છે અને એસોસિયેશન માં કોઈ હોદેદારો નથી બધા સભ્યો અને બધા પ્રમુખો જેવી રચના કરવામાં આવી છે. તેમને આ રચના થયા પછી પહેલું કામ આ મેડિકલ કેમ્પનું કરવામાં આવ્યું છે જેની સમગ્ર શહેરમાંથી લોકો દ્વારા શુભેચ્છાઓ ની વર્ષા થઈ છે. આ મેડિકલ કેમ્પમાં સેવા આપવા આવેલા દરેક ડોક્ટરો એ નિશુલ્ક સેવા આપી છે તે પણ એક સારી બાબત છે સવારનાં ૯ 9થી બપોરે ૧-૦૦ વાગ્યા સુધી આ મેડિકલ કેમ્પ ચાલ્યો હતો અને જેમાં સાતસો થી વધુ દર્દીઓએ આ મેડિકલ કેમ્પનો લાભ લીધો હતો. આટલી માતબર દર્દીઓની સંખ્યા મેડિકલ કેમ્પ નો લાભ લેતા પ્રેસ મીડિયા એસોસિયેશન-મોરબી નાં દરેક સભ્યો માં એક અલગ પ્રકારની ઊર્જા ઉત્પન્ન થઈ છે અને હવે પછી પણ આવું જ કોઈ સેવાકીય પ્રવૃત્તિ નું આયોજન કરવાનું થાય છે તેવો સુર વ્યક્ત કરવામાં આવ્યો હતો. એકંદરે આ પહેલીવાર મેડિકલ કેમ્પનું આયોજન કરવામાં આવ્યું છે અને ખુબજ સફળતા મળી છે.
રાજ્ય ચુંટણી પંચ દ્વારા S.I.R ની કાર્યવાહી ચાલુ કરવામાં આવી છે જેમાં ડુપ્લીકેટ મતદારો રોકવા વેરીફીકેશન કરવામાં આવશે જેમાં યોગ્ય કરવા તા આ કામગીરીમાં કોઈ ગેરરીતી ન થાય તેવી યોગ્ય વ્યવસ્થા કરવામાં આવે તેવી માંગ સાથે ઇન્ટરનેશનલ હ્યુમન રાઇટ્સ એસોસિએશનના જનરલ સેક્રેટરી કાંતિલાલ બાવરવાએ મુખ્ય ચુંટણી કમીશ્નરને રજુઆત કરી માંગ કરી છે. રજૂઆતમાં જણાવ્યું હતું કે ગુજરાત રાજ્યમાં ચુંટણી પંચ દ્વારા S.I.R. ની કાર્યવાહી ચાલુ કરવામાં આવેલ છે. આ કાર્યવાહીમાં મતદારોનું વેરીફીકેશન થશે જે સારીવાત છે પરંતુ આ કાર્યવાહીમાં કોઈ મતદારનું નામ બે જગ્યાએ હોય તો તે બને જગ્યાએ વેરીફીકેશન કરાવે તો તેને રોકવા માટે કોઈ યોગ્ય સોફ્ટવેર કે પદ્ધતી દ્વારા આ કામગીરી સામેલ કરીને આવું ના બને તેવું કરવામાં આવે જેથી બે તેથી વધારે જગ્યાએ નામ ધરવતા મતદારોને આવું કરતા રોકી શકાય તેવું કરવા અમારી માંગણી છે. આ ઉપરંત મતદાર ઓળખ કાર્ડને આધાર કાર્ડ સાથે જોડવામાં આવે તો બે જગ્યાએ નામ હોય તો આસાનીથી જાણી શકાશે તો મતદાર કાર્ડને આધાર કાર્ડ સાથે જોડવા અમારી માંગણી છે. આ ઉપરાંત કોઈ એક રાજ્યની ચુંટણીમાં મતદારનું નામ હોય અને તેને મતદાન કરેલ હોય અને તેવા મતદારો ચુંટણી પછી તુરંત અન્ય રાજ્યમાં પોતાનું નામ દાખલ કરાવી ત્યાની ચુંટણીમાં પણ મતદાન કરે તો એક મતદાર બે રાજ્ય ની સરકાર નક્કી કરવા માં પોતાનું મતદાન કરે તેવું ના થાય તે માટે પણ યોગ્ય નિયમો કરી તટસ્થ અને સાચી ચુંટણી થાય તેવું કરવામાં આવે. તદઉપરંત S.I.R. ની કામગીરીમાં કોઈ ગેરરીતી ના થાય તે માટે સતત મોનીટરીંગ તેમજ કોઈ યોગ્ય પદ્ધતિ અપનાવવામાં આવે જેથી તટસ્થ કામગીરી થાય તેવું જોવા રજુઆત કરી હતી .
વાંકાનેર ના રાજવી અને રાજ્યસભાના સાંસદ કેસરીદેવસિહ ઝાલા ૨૦૧૧ થી રાજકારણમાં એક સક્રિય નેતા તરીકે પોતાની સેવા આપી રહ્યા છે રાજવી પરિવાર પહેલેથી જ રાજકારણ સાથે સકડાયેલા છે તેમના પિતા શ્રી દેશના સાંસદ અને પ્રથમ પર્યાવરણ મંત્રી હતા અને તેમના પુજ્ય દાદા જી ૧૯૫૨ માં વાંકાનેરનાં પ્રથમ ધારાસભ્ય રહીં ચુક્યા છે અને તેમના મામા રેલવે મંત્રી રહી ચૂક્યા છે અને તેમના કાકા સાહેબ વાંકાનેર ના ધારાસભ્ય રહી ચૂક્યા છે લોકશાહીથી પોતાના પરિવાર સહિતના સભ્ય રાજકીય ક્ષેત્રે જોડાયેલા હતા ત્યારે વાંકાનેરના રાજવી અને રાજ્યસભાના સાંસદ યુવા નેતા કેસરીદેવસિહ ઝાલા નો આજે જન્મદિવસ છે તેમના જન્મદિવસ નિમિત્તે વાંકાનેર તથા સમગ્ર ગુજરાત ભરમાંથી તેમના સમર્થકો રાજકીય અગ્રણીઓ સામાજિક સહિત વાકાનેર વિસ્તારના નાગરિકો અને વિવિધ સંસ્થાઓના આગેવાનો દ્વારા તેમને શુભેચ્છા પાઠવવામાં આવી રહી છે લોકસેવા અને જનકલ્યાણ માટે સતત સક્રિય રહેતા કેસરીદેવસિહ ઝાલા નાં જનસંપર્ક અને કાર્યશૈલીને લઈને લોકોએ જન્મદિવસ નિમિત્તે શુભેચ્છાઓ અને શુભકામનાઓ અને આયુષ માટે આશિષ આપી આરોગ્યની પ્રાર્થના કરી રહ્યા છે
