મોરબી પત્રકાર એસોસિયેશનની વાર્ષિક મિટિંગ યોજાઈ: પ્રમુખ પદે રવિ ભડાણીયાની નિમણુંક મોરબીના જાણીતા અને આજકાલ સાંધ્ય દૈનિકના પત્રકાર રવિ ભડાણીયાની પ્રમુખ પદે વરણી મોરબી પત્રકાર એસોસિયેશન ની આજે વાર્ષિક મિટિંગ યોજાઈ હતી જેમાં વર્ષ ૨૦૨૫ ના હોદેદારો નો કાર્યકાળ પૂર્ણ થતા નવા હોદેદારોની બહુમતીથી વરણી કરવામાં આવી હતી. મોરબી પત્રકાર એસોસિયેશન ના પૂર્વ પ્રમુખ સુરેશભાઈ ગોસ્વામીની અધ્યક્ષતામાં વર્ષ ૨૦૨૬ ના હોદેદારો ની નિમણૂક કરવા અંગે મિટિંગ યોજાઈ હતી જેમાં હાજર સભ્યોની બહુમતીથી પ્રમુખ તરીકે રવિભાઈ ભડાણીયા,ઉપપ્રમુખ તરીકે દેવભાઈ સનાળીયા,મહામંત્રી તરીકે ભાસ્કરભાઈ જોશી,સહમંત્રી તરીકે ડેનિસભાઈ દવે,ખજાનચી તરીકે આર્યનભાઇ સોલંકી ,કારોબારી સભ્ય તરીકે સંદીપભાઈ વ્યાસ,ઋષિભાઈ મહેતા અને રાકેશભાઈ પંડ્યાની નિમણૂક કરવામાં આવી છે.
મોરબીના સામાકાંઠા વિસ્તારમાં આવેલ યુનિક સ્કૂલ દ્વારા સ્પોર્ટ્સ ડે ની ઉજવણી કરવામાં આવી હતી. યુનિલ સ્કૂલ દ્વારા દર બે વર્ષે સ્પોર્ટ્સ ડે ઉજવવામાં આવે છે. આ સ્પોર્ટ્સ ડે માં વિવિધ રમતોનું આયોજન કરવામાં આવે છે. સ્કૂલ પ્રસાશન અને વિદ્યાર્થીઓ ની મહેનત ને કારણે વિદ્યાર્થીઓ માં રમતો પ્રત્યે રુચિ વધે છે. આ વર્ષે આયોજિત સ્પોર્ટ્સ ડે માં સ્કૂલમાં અભ્યાસ કરતા વિદ્યાર્થીઓ એ વિવિધ રમતો માં ભાગ લીધો હતો. યુનિક સ્કૂલમાં ધોરણ 5માં અભ્યાસ કરતા શિવમ રાજેશભાઇ અંબાલીયા એ ચેસમાં ભાગ લીધો હતો અને તેમ તે પ્રથમ નંબરે આવી ગોલ્ડ મેડલ અને સર્ટિફિકેટ પ્રાપ્ત કર્યું હતું સાથે સાથે શિવમ અને તેના મિત્રોએ ટગ ઓફ વોર એટલે કે રસ્સા ખેંચમાં પણ ભાગ લીધો હતો જેમાં તેમની ટિમ પ્રથમ નંબરે આવી હતી જેના કારણે તેમાં પણ ગોલ્ડ મેડલ અને સર્ટિફિકેટ આપવામાં આવ્યા હતા. શિવમ અંબાલીયા ને સ્કૂલ ગેમમાં બે ગોલ્ડ મેડલ મળતા સ્કૂલના ટ્રસ્ટી, પ્રિન્સીપાલ, કલાસ ટીચર અને સાથી વિદ્યાર્થી મિત્રો સહિત પરિવારજનોએ અભિનંદન આપ્યા હતા. બાળકોમાં ખેલ ભાવના વિકસે અને રમતો પ્રત્યે રુચિ વધે તે હેતુથી યુનિક સ્કૂલ દ્વારા દર બે વર્ષે સ્પોર્ટ્સ ડે નું આયોજન કરવામાં આવે છે. આવા આયોજનો સફળ થાય તેની પાછળ સ્કૂલની અથાગ મહેનત હોય છે.
મુખ્યમંત્રી ભવિષ્ય કૌશલ વિકાસ યોજના દ્વારા 31ડિસેમ્બરની અનોખી રીતે ઉજવણી કરવામાં આવી હતી. આ કાર્યક્રમ ની શરૂઆત દીપપ્રાગટ્ય અને સાંસ્કૃતિક ગીત થી કરવામાં આવી હતી. ભારતીય સંસ્કૃતિને ઉજાગર કરતાં પાત્રો જેવાકે રાણી લક્ષ્મીબાઈ,રાણી પદ્માવતી, કાશી,અર્જુન, ભગવાન પરશુરામ,ગૃહિણી જેવા અલગ અલગ પાત્રો ભજવ્યા અને જ્ઞાન સાથે ગમ્મત નું આયોજન કરવામાં આવ્યું હતું. આ કાર્યક્રમમા અતિથિવિશેષ તરીકે જયશ્રીબેન વાઘેલા, આરતીબેન રત્નાણી, અને હેતલબેન જોષી ઉપસ્થિત રહ્યાં હતા. તેમજ સેન્ટર સ્ટાફ પૂનમબેન, ચાંદનીબેન,ભવ્યભાઈ અને ભગિરથભાઈ દ્વારા કાર્યક્રમનું આયોજન કરવામાં આવ્યું હતુ, જેમાં અંદાજે 30 થી 40 વિદ્યાર્થીઓ એ ભાગ લીધો હતો.આ સમગ્ર કાર્યક્રમનું સંચાલન સેન્ટર મેનેજર કપિલભાઈ રાઠોડ દ્વારા કરવામાં આવ્યું હતું. હાલ માં સરકાર માન્ય સર્ટિફિકેટ સાથે ફ્રી માં નર્સિંગ ની ટ્રેનિંગ આપવામાં આવે છે. ભવિષ્યમાં નવા અલગ અલગ કોર્ષિસ આવવાના છે તો વહેલા તે પહેલા ના ધોરણે સેન્ટર ની મુલાકાત લેવાનું જણાવવામાં આવે છે. એડ્રેસ: ઘનશ્યામ માર્કેટ, 3જો માળ, વી માર્ટ પાસે, રવાપર રોડ મોરબી.
મોરબી મહેન્દ્રનગર ગામ નજીક આવેલા સુપ્રસિદ્ધ રામધન આશ્રમના સેવક મુકેશ ભગતનો આજે જન્મદિવસ છે. મુકેશભાઈ ભગત નાનપણથી જ રામધન આશ્રમના પૂ. મહંત ભાવેશ્વરીમાં ના સેવાકાર્યો અને પ્રબળ આધ્યાત્મિક ભાવનાના રંગે રંગાઈને રામધન આશ્રમની ધાર્મિક. સામાજિક, સેવાકીય કાર્યો સાથે જોડાઈને આ આશ્રમની સેવાકાર્યોમાં જ પોતાનું જીવન સમર્પિત કરી દીધું છે. ત્યારે આજે નવા વર્ષે મુકેશ ભગતના જન્મદિવસને તેમના શુભેચ્છકો અને સ્નેહીજનો તરફથી જન્મદિવસની શુભેચ્છાઓનો ધોધ વરસી રહ્યો છે. ત્યારે ગુજરાત તત્કાલ સંદેશ પરિવાર તરફથી જન્મદિવસની ખુબ ખુબ શુભેચ્છા
