Rafikbhai Ajmeri

મોરબીમાં ઇસ્લામ ધર્મના સ્થાપક અને મહાન પૈગંબર હજરત મોહમ્મદ સાહેબના 1500 માં જન્મદિવસ નિમિત્તે અનોખી ઉજવણી બાવા એહમદ શાહ મસ્જિદ ગ્રુપ દ્વારા બ્લડ ડોનેશન કેમ્પ નું આયોજન

મોરબીમાં સિવિલ હોસ્પિટલના સહયોગથી બાવા અહેમદશા મસ્જિદ ગ્રુપ દ્વારા ઇસ્લામ ધર્મના સ્થાપક અને મહાન પૈગંબર હજરત મોહમ્મદ સાહેબના ૧૫૦૦ માં જન્મ દિવસ નિમિત્તે બ્લડ ડોનેશન કેમ્પ નું અનોખું આયોજન કરવામાં આવ્યું હતું જેમાં ઈદે મિલાદ નિમિત્તે મોરબીના બાવા અહેમદ શાહ મસ્જીદ ગ્રુપ દ્વારા આયોજિત બ્લડ ડોનેશન કેમ્પમાં મોટી સંખ્યામાં યુવાનોએ રક્તદાન કરી દાન ડોનેશન કર્યું હતું જેમાં આયોજક આશિકભાઈ ઘાંચી આશીફભાઈ મેમણ સોહિલભાઈ મેમણ ફૈઝલભાઈ મેમણ સહિત નાં યુવાનો દ્વારા સિવિલ હોસ્પિટલના મેડિકલ તબીબીઓ નાં સહયોગથી ઈદે મિલાદના પવિત્ર અવસર પર સેવા અને ભાઈચારાની ભાવના અને માનવતા તરફ દોરી જનાર ઉત્તમ ઉદાહરણ પૂરું પાડ્યું હતું આ બ્લડ ડોનેશન કેમ્પમાં ૭૧ દાતાઓએ રક્તદાન કર્યું હતું

મોરબીમાં ઇસ્લામ ધર્મના મહાન પૈગંબર હજરત મોહમ્મદ સાહેબના જન્મ દિવસ નિમિત્તે  ઈદે મિલાદ નો ભવ્ય જુલૂસ નીકળ્યું

મોરબીમાં ઇસ્લામ ધર્મના મહાન પૈગંબર હજરત મોહમ્મદ સાહેબના 1500 માં જન્મદિવસ નિમિત્તે મુસ્લિમ સમાજ દ્વારા ભવ્ય જુલૂસ નીકળ્યું આ પવિત્ર અવસર મુસ્લિમ સમાજના ધર્મગુરુ શહેર ખતીબ હજરત રસીદ મીયા બાપુ ની આગેવાનીમાં ઈદે મિલાદનું સાનો સોકતથી શહેરની જુમ્મા મસ્જિદ થી નહેરુ ગેટ મચ્છી પીઠ ખાટકીવાસ થી લઈને બાવા એહમદ શાહ મસ્જિદ ખાતે જુલુસ પૂર્ણ કરવામાં આવ્યું હતું તેમજ મુસ્લિમ બિરાદરો દ્વારા ઈદે મિલાદ નિમિત્તે ઠેર ઠેર કેક ચોકલેટ મીઠાઈ સહિતની ન્યાઝ નું વિતરણ કરવામાં આવ્યું હતું

મોરબી શહેરમાં ડોક્ટર બાબા સાહેબ આંબેડકર ચેરીટેબલ ટ્રસ્ટ સંચાલિત ડોક્ટર બાબા સાહેબ આંબેડકર પ્રાથમિક વિદ્યાલય ખાતે બાળકોને આગ લાગે તેવી પરિસ્થિતિમાં શું કરવું તે અંગે ટ્રેનિંગ આપવામાં આવી.

મોરબી મહાનગરપાલિકા ના ફાયર વિભાગના અધિકારીઓ સ્કૂલ ખાતે બાળકોને આગ લાગે તેવા સંજોગોમાં શું કરવું તે અંગે ટ્રેનિંગ આપવા માટે ડો.બાબાસાહેબ આંબેડકર પ્રાથમિક વિદ્યાલય ખાતે પધારેલ, અધિકારી દ્વારા સૌ પ્રથમ બાળકોને આગ કોઈપણ જગ્યાએ ન લાગે તે માટે શું કાળજી રાખવી તે જણાવવામાં આવ્યું, ત્યારબાદ જો આગ લાગે તો કયા પ્રકારના સાવચેતીના પગલાં લેવા પ્રથમ અને ત્યારબાદ આગ ઓલવવા માટે કયા પ્રકારના સાધનો વાપરવા તેની વિસ્તારપૂર્વક સમજણ આપવામાં આવી. ત્યાર બાદ શિક્ષક ગણ અને બાળકો પાસે આગ ઓલવવાની પ્રેક્ટિસ પણ કરાવવામાં આવી.

આ ટ્રેનિંગ દરમિયાન ડોક્ટર બાબા સાહેબ આંબેડકર પ્રાથમિક વિદ્યાલયના વહીવટદાર કે.આર.ચાવડા સહિત ટ્રસ્ટના સભ્યો તેમજ તમામ શિક્ષણ ગણ ઉપસ્થિત રહેલ.

સાયકલ રેલીમાં ધારાસભ્યશ્રી કાંતિભાઈ અમૃતિયા અને શ્રી દુર્લભજીભાઈ દેથરીયા સહિત મહાનુભાવો ઉત્સાહભેર જોડાયા

મોરબીમાં શ્રી મેજર ધ્યાનચંદજીની જન્મ જયંતી નિમિત્તે નેશનલ સ્પોર્ટ્સ ડે ની ઉજવણી અંતર્ગત ખેલે ભી ખીલે ભી ની થીમ સાથે પોલીસ પરેડ ગ્રાઉન્ડ – સ્વાગત ચોકડી – ઉમિયા સર્કલ – શ્રી સરદાર પટેલ સ્ટેચ્યુ, નવા બસ સ્ટેશન સુધીના રૂટ પર અંદાજિત ૭ કિમી લાંબી સાયકલ રેલી યોજાઈ હતી. આ સાયકલ રેલીમાં ધારાસભ્યશ્રી કાંતિભાઈ અમૃતિયા તથા શ્રી દુર્લભજીભાઈ દેથરીયા અને જિલ્લા પોલીસ વડાશ્રી મુકેશ પટેલ સહિતના મહાનુભાવોએ લીલી ઝંડી બતાવી આ રેલીને પ્રસ્થાન કરાવી હતી અને ત્યારબાદ તેઓ પણ આ રેલીમાં ઉત્સાહભેર જોડાયા હતા.

હોકીના જાદુગર એવા શ્રી મેજર ધ્યાનચંદની જન્મ જયંતી અન્વયે સમગ્ર રાજ્ય અને દેશમાં વિવિધ આયોજનો કરવામાં આવી રહ્યા છે. ત્યારે મોરબીમાં પણ ૨૯ ઓગસ્ટથી વિવિધ કાર્યક્રમો યોજાઈ રહ્યા છે, જેના ભાગરૂપે મોરબીના લોકોમાં તંદુરસ્તી બાબતે જાગૃતિ ફેલાવવા તથા શ્રી મેજર ધ્યાનચંદજીને શ્રદ્ધાંજલિ અર્પણ કરવાના હેતુથી જિલ્લા રમત ગમત કચેરી અને જિલ્લા વહીવટી તંત્ર દ્વારા વહેલી સવારે સાયકલ રેલી યાજી લોકોને સ્વસ્થ જીવનશૈલી અને ફિટનેસનો સંદેશો આપવામાં આવ્યો હતો. આ પ્રસંગે સર્વે ઉપસ્થિતોએ નેશનલ સ્પોર્ટ્સ ડે નિમિતે શપથ પણ લીધા હતા.

આ રેલીમાં હળવદ પ્રાંત અધિકારીશ્રી ધાર્મિક ડોબરીયા, મોરબી મહાનગર પાલિકાના ડેપ્યુટી કમિશ્નરશ્રી સંજય સોની, જિલ્લા રમત ગમત અધિકારીશ્રી રવિભાઈ રાઠોડ, અગ્રણીશ્રી જયંતીભાઈ રાજકોટીયા, પોલીસના જવાનો, DLSS ના રમતવીરો તથા વિવિધ શાળાઓના વિદ્યાર્થીઓ અને જાગૃત નગરજનો બહોળી સંખ્યામાં આ સાયકલ રેલીમાં સહભાગી બન્યા હતા.

મોરબી માળીયા નેશનલ હાઈવે પર ટીંબડી ગામના પાટીયા પાસે ભુતકાળમાં બની ગયેલા ભયંકર અકસ્માતોને ધ્યાને લઈને અકસ્માત અટકાવવા ઓવરબ્રિજ બનાવવા ટીંબડી ગામના યુવાને કેન્દ્રીય મંત્રીના દ્વાર ખખડાવ્યા

મોરબી માળીયા નેશનલ હાઈવે ઉપર આવેલા ટીંબડી ગામના પાટીયા પાસે છાસવારે ટ્રાફીક જામ અને અકસ્માતો સર્જાતા હોય છે જેથી ટીંબડી ગામના યુવાન અને મોરબીના યુવા પત્રકાર મયંક દેવમુરારીએ મોરબી માળીયા હાઈવે પર ટીંબડી ગામના પાટીયા પાસે અકસ્માતોની ઘટના અટકાવવા અને ગ્રામજનોને ટ્રાફીકથી છુટકારો અપાવવા અને અકસ્માતોથી બચાવવા ઓવરબ્રિજ બનાવવાની માંગ સાથે કેન્દ્રીયમંત્રી નિતિનભાઈ ગડકરીને રજુઆત કરવામાં આવી છે મોરબી માળીયા નેશનલ હાઈવે ૨૭ (૮અ) ઉપર મોટાપાયે ટ્રાફીક રહેતો હોય મોરબીથી કચ્છને જોડતો એકમાત્ર હાઈવે હોવાથી ટ્રાફીકથી ધમધમતા હાઈવે પર દરરોજ હજારો વાહનોની અવરજવર રહેતી હોવાથી નેશનલ હાઈવે ભરચક રહે‌ છે જેના કારણે ટીંબડી ગામના પાટીયા પાસે ભુતકાળમાં ભયંકર અકસ્માતોના બનાવો બની ચુક્યા છે જેમાં ઘણા બધા નિર્દોષ લોકોએ જીવ ગુમાવીને મોતને ભેટ્યા છે તેમજ અમારા વિસ્તારમાં ટ્રાફિક એટલો વધી ગયો છે કે લોકોને રસ્તો ઓળંગવામાં પણ ખૂબ જ મુશ્કેલી પડે છે ખાસ કરીને શાળાએ જતા બાળકો અને વૃદ્ધો માટે આ સમસ્યા ખૂબ જ ગંભીર છે જેના કારણે અમારા ગામના પાટીયા પાસે ઓવરબ્રિજ બનાવવાની તાતી જરૂરિયાત છે અન્યથા નિદોર્ષ માનવ જિંદગીઓ અકસ્માતના કારણે મોતના મુખમાં ધકેલાઈ જાય છે જેથી અહી ઓવરબ્રિજ બનવાથી ટ્રાફિકની સમસ્યા હલ થશે અકસ્માતોનું પ્રમાણ પણ ઘટશે જેના કારણે લોકો સુરક્ષિત રીતે રસ્તો ઓળંગી શકશે અહીંયા અવાર નવાર ટ્રાફિક જામના દ્રશ્યો સર્જાયા છે જેના કારણે એક્સિડન્ટ થાય છે એક્સિડન્ટ એરિયા (બ્લેક સ્પોટ) હોવાથી અનેક લોકોને અકસ્માતમાં ભોગ લેવાય છે જેથી મોરબી જીલ્લામાં મોટાપાયે ઉદ્યોગ હોવાથી દરરોજની હજારો હેવી ટ્રકો મોરબીમાં આવન જાવન કરે છે જેથી મોરબીની નજીક આવેલું ટીંબડી ગામના પાટીયા પાસે ટ્રાન્સપોર્ટ ચાલકોની મોટા પાયે ઓફિસ હોવાથી અહીંયા ટ્રાફિકની સમસ્યા રોજિંદી બની ગઈ છે તો આપ સાહેબ શ્રીને વિનંતી કે ટીંબડી ગામના પાટીયા પાસે ઓવરબ્રીજ બનાવીને લોકોને મોતના મુખમાંથી બચાવવા અમો દ્વારા આપશ્રીને રજુઆત કરી માંગ કરીએ છીએ અને આપને નમ્ર વિનંતી કરીએ છીએ કે અમારા વિસ્તારમાં ઓવરબ્રિજ બનાવવા માટે તાત્કાલિક યોગ્ય પગલા ભરીને વહેલી તકે ઘટતું કરવા અપીલ કરી છીએ જો અહીં ઓવરબ્રિજ બની જાય તો ટ્રાફિક અને અકસ્માતોમાંથી મુક્ત થઈ શકીએ તેમ છીએ ત્યારે અમો આશા રાખીએ છીએ કે આપ અમારી અરજી પર ધ્યાન આપીને જલ્દીથી કાર્યવાહી કરશોજી અત્રે ઉલ્લેખનીય છેકે ટ્રાફીકથી ધમધમતા મોરબી કચ્છ હાઈવે પર આવેલ ટીંબડી ગામ પાસે ઓવરબ્રિજની માંગ ટીંબડી ગામના યુવાન અને યુવા પત્રકાર મયંક દેવમુરારીએ પ્રજાની સુખાકારી માટે પ્રજાના જીવ જોખમમાં ન મુકાઈ તે માટે કેન્દ્રીય મંત્રી નિતિન ગડકરીજીના દ્વાર ખખડાવીને ઓવરબ્રિજ બનાવવાની માંગ કરાઈ છે