March 6, 2026

Rafikbhai Ajmeri

મોરબીના બીલીયા ગામે ભટ્ટ પરિવારના સુરાપુરાના સ્થાનિકે રવિવારે જપ, પૂજા,યક્ષ અને મહાપ્રસાદ નું આયોજન

સર્વે પિતૃઓના મોક્ષાર્થે સુરાપુરાધામ જુના બીલીયા તા.જી.મોરબી મુકામે પંચદિવસીય જાપ, પૂજા, યજ્ઞ વગેરેનું આયોજન કરવામાં આવેલ છે.જે તા.૨૪-૧૨ થી શરૂ થયેલ અને તેના પૂર્ણાહુતિ તા.૨૮-૧૨ ના થશે.સમસ્ત ભટ્ટ પરિવારને જોડાવા તેમજ રવિવારે યોજાનાર યજ્ઞ-મહા પ્રસાદનો લાભ લેવા જણાવાયેલ છે.કાર્યક્રમને સફળ બનાવવા રાજેષભાઈ (બગથળા), યોગેશભાઇ (મોરબી), હર્ષદભાઈ (ઝિકિયાળી), ચૈતનભાઈ (રાજકોટ), દિનેશભાઈ (વનાળીયા), ચંદ્રેશભાઈ (બીલીયા) વિગેરે જહેમત ઉઠાવી રહ્યા છે.
મચ્છુકાંઠા મોળપરીયા ભટ્ટ પરીવારના સર્વે પરિવારને જણાવાયેલ છે કે
આગામી તા.૨૮ ને રવિવારના રોજ યજ્ઞ યોજાશે જેના યજમાન પદે દિપકભાઇ બળવંતરાય ભટ્ટ તેમજ વિવેકભાઇ રમેશભાઇ ભટ્ટ સાતક બેસશે.ત્યાં સ્થાપીત કરવામી મુર્તિના દાતા તરીકેનો લાભ સ્વ.કેતનભાઇ પ્રહલાદભાઇ ભટ્ટના મોક્ષાર્થે મનીષભાઇ પ્રહલાદભાઇ ભટ્ટે લીધેલ છે.તેમજ મહા આરતીનો લાભ ભૌતીક ધર્મેન્દ્રભાઇ ભટ્ટે લીધેલ છે.આ તકે રવિવારે યજ્ઞ, મહાઆરતી તેમજ મહાપ્રસાદનું આયોજન કરવામાં આવેલ છે.સમસ્ત ભટ્ટ પરીવારને સુરાપુરાદાદાના આશીર્વાદ લેવા પધારવા જાહેર આમંત્રણ છે.વ્યવસ્થાના ભાગ રૂપે આવનાર લોકોએ સંખ્યાની જાણ મો.૯૮૨૪૨ ૩૯૦૯૭ અથવા મો.૯૯૨૫૪ ૯૪૪૪૦ ઉપર કરવી તેમ જણાવાયેલ છે.

મોરબીના વાંકાનેર ખાતે પશુપાલક મંત્રી જીતુ વાઘાણી શિક્ષણ રાજ્ય મંત્રી રિવાબા જાડેજા સહિતના મહાનુભાવો ઉપસ્થિતિમાં ત્રિદિવસીય કામા અશ્વ શો’નો વિધિવત રીતે શુભારંભ કરાયો

સરકાર અશ્વના સંવર્ધન અને જતન માટે નવું બ્રીડિંગ સેન્ટર બનાવશે; અશ્વોની સંખ્યામાં વધારવા લક્ષ્ય નિર્ધારિત કરી મિશન મોડ પર કામગીરી કરાશે”

કાઠીયાવાડી અશ્વના શૌર્ય, સ્થિર સ્વભાવ અને સતર્કતાના ગુણોને ધ્યાને લઈ જાહેર સેવામાં તેમનો ઉપયોગ કરાય છે”
તત્કાલીન દેશના પર્યાવરણ મંત્રી અને વાંકાનેરના રાજવી દિગ્વિજયસિંહ ઝાલાએ પર્યાવરણ ક્ષેત્રે ભગીરથ કાર્ય કર્યું; તેમણે અશ્વ શોની શરૂઆત કરાવી હતી”
અશ્વ એ યોદ્ધાનો આત્મસાર્થી કહેવાય છે, ઇતિહાસમાં મહાન યોદ્ધાઓના અશ્વની ગાથાઓ પણ સ્વર્ણ અક્ષરે લખાયેલી છે”
શિક્ષણ રાજ્યમંત્રીશ્રી રિવાબા જાડેજા
ગીરના સાવજ, ગીર ગાય અને કાઠીયાવાડી અશ્વએ સૌરાષ્ટ્રને દેશ અને વિશ્વ કક્ષાએ આગવી ઓળખ અપાવી છે”
સાંસદશ્રી કેસરીદેવસિંહ ઝાલા
મહાનુભાવની પ્રેરક ઉપસ્થિતિમાં રાજકોટ પોલીસ માઉન્ટના અશ્વ સવાર પોલીસ જવાનોનું કરતબ પ્રદર્શન અને શ્રેષ્ઠ અશ્વ શણગાર સ્પર્ધા યોજાઇ
મોરબી એ ઐતિહાસિક ધરોહર છે ત્યારે સાંસ્કૃતિક અને ઐતિહાસિક રીતે મહત્વના સ્થળ એવા વાંકાનેર ખાતે સરકારના પશુપાલન વિભાગ તથા કાઠીયાવાડી હોર્સ બ્રિડર્સ એસોસિએશન ગુજરાતના સંયુક્ત ઉપક્રમે વાંકાનેરના રાજવી સ્વશ્રી ડો. દિગ્વિજયસિંહ ઝાલાની સ્મૃતિમાં ત્રિદિવસીય કાઠિયાવાડી મારવાડી અશ્વ પ્રદર્શન – રમતોત્સવ ‘કામા અશ્વ શો’ નો પશુપાલન કેબિનેટ મંત્રીશ્રી જીતુભાઈ વાઘાણીએ શિક્ષણ રાજ્યમંત્રીશ્રી રિવાબા સહિતના મહાનુભાવોની પ્રેરક ઉપસ્થિતિમાં વિધિવત શુભારંભ કરાવ્યો હતો.
આ પ્રસંગે કૃષિ અને ખેડૂત કલ્યાણ, સહકાર, પશુપાલન, ગૌસંવર્ધન, મત્સ્ય ઉદ્યોગ અને પ્રોટોકોલ મંત્રીશ્રી જીતુભાઈ વાઘાણીએ જણાવ્યું હતું કે, ગુજરાતના તત્કાલીન મુખ્યમંત્રી અને હાલના વડાપ્રધાનશ્રી નરેન્દ્ર મોદીએ અશ્વનું સંવર્ધન થાય અને તેમની સંખ્યા વધે તે માટેના પ્રયાસો કર્યા તે અંતર્ગતનું આ અનન્ય આયોજન છે. રાજ્ય સરકાર અનેકવિધ આયોજનો અને યોજનાઓ સાથે પશુ સંવર્ધન ક્ષેત્રે આગળ વધી રહી છે. આપણી નવી પેઢી આપણા સાંસ્કૃતિક ધરોહર સમાન અશ્વ વિશે જાણે, સમજે અને શીખે તે માટે આ પ્રકારના આયોજન ખરેખર પ્રેરણાદાયી છે.
અશ્વ એ આપણી સંસ્કૃતિમાં શક્તિ, લાભ અને શુભનું પ્રતીક છે ત્યારે સરકાર દ્વારા આગામી સમયમાં વધુ એક અશ્વોની દેશી જાતિના માટેનું બ્રીડિંગ સેન્ટર બનાવવામાં આવશે. અશ્વોની સંખ્યામાં વધારો થાય તે માટે લક્ષ્ય નિર્ધારિત કરી મિશન મોડ પર કામગીરી કરવામાં આવશે.
કાઠીયાવાડી અશ્વ તેમના શોર્ય અને સાહસ માટે જાણીતા છે એટલે જ તેમના શોર્ય, સ્થિર સ્વભાવ અને સતર્કતાના ગુણોને ધ્યાનમાં લઇ પોલીસ જાહેર સેવામાં પણ કાઠીયાવાડી અશ્વનો ઉપયોગ કરવામાં આવે છે.
મંત્રીશ્રીએ વધુમાં જણાવ્યું હતું કે, આ કાર્યક્રમમાં બીમાર ઘોડાઓને હેરાન અને ન કરવામાં આવે તે માટે સ્પર્ધા પહેલા બ્લડ સેમ્પલ લેવાની પણ વ્યવસ્થા કરવામાં આવી હતી જેથી યોગ્ય તપાસ બાદ ૩૦૦ થી વધુ રજીસ્ટ્રેશન પૈકી ૨૫૦ જેટલા ઘોડાઓએ વિવિધ સ્પર્ધાઓમાં ભાગ લીધો છે.
વાંકાનેર સ્ટેટ અને તત્કાલીન દેશના પર્યાવરણ મંત્રી સ્વશ્રી ડો.દિગ્વિજયસિંહ ઝાલાએ પર્યાવરણ ક્ષેત્રે ભગીરથ કાર્ય કર્યું છે. તેમણે વાંકાનેર ખાતેથી ૧૯૯૪ માં અશ્વ શોનો પ્રારંભ કરાવ્યો હતો. ત્યારે આજે તેની સ્મૃતિમાં આ કાર્યક્રમ યોજાયો છે ત્યારે હું તેમને વંદન કરું છું. તેમના સમયમાં તેમણે લોકહિતકારી રાજા બની શિક્ષણ, આરોગ્ય કન્યા કેળવણી સહિતના પ્રજાલક્ષી કાર્યો કર્યા હતા.
પ્રાસંગિક ઉદબોધન આપતા પ્રાથમિક, માધ્યમિક અને પ્રૌઢ શિક્ષણ રાજયમંત્રીશ્રી રિવાબા જાડેજાએ જણાવ્યું હતું કે, ભારતની વૈદિક સંસ્કૃતિથી અશ્વ આપણી પરંપરાનો અભિન્ન ભાગ રહ્યા છે. રામાયણ મહાભારત સહિતના મહત્વના ગ્રંથોમાં અશ્વમેઘ યજ્ઞનો ઉલ્લેખ અશ્વની ઐતિહાસિક અને સાંસ્કૃતિક મૂલ્યની પ્રતીતિ કરાવે છે. અશ્વ એ યોદ્ધાનો આત્મસાર્થી કહેવાય છે ત્યારે ઇતિહાસમાં પણ મહારાણા પ્રતાપ, શિવાજી, ઝાંસીની રાણી સહિતના યોદ્ધાઓના અશ્વની ગાથાઓ પણ સ્વર્ણ અક્ષરે લખાયેલી છે. સરકારના પશુપાલન વિભાગ દ્વારા અશ્વની જાળવણી માટેની પ્રવૃત્તિઓ, બ્રીડિંગ તથા તેમના જતન માટેની કામગીરીની તેમણે સરાહના કરી હતી.
આ પ્રસંગે રાજ્યસભાના સાંસદ અને વાંકાનેર સ્ટેટશ્રી કેસરીદેવસિંહ ઝાલાએ જણાવ્યું હતું કે, શૂરવીરોએ માતૃભૂમિ નું રક્ષણ કરવા જે બલિદાન આપ્યું તેમનીએ શોર્ય કથાઓ અશ્વ વિના અધુરી છે. ગીરના સાવજ, ગીર ગાય અને કાઠીયાવાડી અશ્વએ સૌરાષ્ટ્રને દેશ અને વિશ્વ કક્ષાએ આગવી ઓળખ અપાવી છે. ૧૭ મો કામા અશ્વ શો મોરબી અને વાંકાનેર માટે ગર્વની બાબત છે. કાઠીયાવાડી ઘોડાની નસલ ને જીવંત રાખવામાં ભોગ આપનાર સર્વેને તેમણે અભિનંદન પાઠવ્યા હતા.
મંત્રીશ્રીઓ સહિતના મહાનુભાવોની ઉપસ્થિતિમાં રાજકોટ પોલીસ માઉન્ટના અશ્વ સવાર પોલીસ જવાનોએ કરતબ પ્રદર્શન કર્યું હતું અને શ્રેષ્ઠ અશ્વ શણગાર સ્પર્ધા પણ યોજાઇ હતી. મહાનુભાવોના હસ્તે અશ્વ વિશેની માહિતી આપતા પુસ્તકનું વિમોચન કરવામાં આવ્યું હતું. મંત્રીશ્રી સહિતના મહાનુભાવોએ અશ્વપાલકોને મળી આવા આયોજનોમાં સહભાગી બનવા શુભેચ્છા પાઠવી હતી અને તેમની સાથે ઔપચારિક ચર્ચા કરી હતી.
આ પ્રસંગે ગુજરાત વિધાનસભા નાયબ મુખ્ય દંડકશ્રી જગદીશભાઈ મકવાણા, ધારાસભ્યશ્રી દુર્લભજીભાઈ દેથરીયા, પૂર્વ સાંસદશ્રી મોહનભાઈ કુંડારીયા, પશુપાલન નિયામકશ્રી ડો. ફાલ્ગુની ઠાકર, વિભાગીય સંયુક્ત પશુપાલન નિયામકશ્રી ડો. ભરતસિંહ ગોહિલ, જસદણ સ્ટેટશ્રી સત્યજિતકુમાર ખાચર, આચાર્યશ્રી ઘનશ્યામજી મહારાજ, વાંકાનેર પ્રાંત અધિકારીશ્રી વિપુલ સાકરીયા, મામલતદારશ્રી કે.વી. સાનિયા, કાઠિયાવાડી હોર્સ બ્રીડર એસોસિએશનનાશ્રી અજીતસિંહ ગોહિલ સહિત કાઠીયાવાડી મારવાડી અશ્વ શો ના પદાધિકારીશ્રીઓ તથા અશ્વપાલકો અને નગરજનો બહોળી સંખ્યામાં ઉપસ્થિત રહ્યા હતા.

પત્રકાર આરીફ દિવાન ના પુત્ર માહીર દિવાન ના જન્મદિવસ નિમિત્તે શુભેચ્છાઓ ની વર્ષા

મોરબી શહેર જિલ્લા સહિત સમગ્ર ગુજરાત સૌરાષ્ટ્રમાં 1992 થી રાજકોટ થી પ્રસિદ્ધ થતું લોક મિજાજ સાપ્તાહિક અખબારમાં પવિત્ર પત્રકારી ક્ષેત્રે ની શરૂઆત કરનાર મોરબીના જાણીતા મિત્ર સ્વભાવવી પત્રકાર આરીફ દિવાના પુત્ર માહિર દિવાન નો આજે જન્મદિવસ છે ત્યારે તેમનાં જન્મદિવસ નિમિત્તે શુભેચ્છાઓ ની વર્ષા થય રહી છે માહિર દિવાન ના વર્ષમાં બે વખત જન્મદિવસની એમ અંગ્રેજી કેલેન્ડરમાં અંગ્રેજી તારીખ અને મુસ્લિમ ચાંદ મોહરમ શરીફ ના પ્રથમ ચાંદે એમ બે વખત વર્ષમાં માહિર દિવાન ની જન્મ દિવસની ઉજવણી ના ભાગરૂપે તારીખ 26 12 2025 ના રોજ 17 માં જન્મદિવસ નિમિત્તે માહિરના મિત્રો અને પત્રકાર આરીફ દિવાના મિત્રો રૂબરૂ સગા સંબંધીઓ પરિવારજનો શિક્ષકો વિદ્યાર્થીઓ પત્રકાર મિત્રો પોલીસ મિત્રો વકીલ સહિત instagram facebook whatsapp ના માધ્યમથી માહિર દિવાન ને જન્મદિવસની અભિનંદન શુભેચ્છા પાઠવી રહ્યા છે

કોમી એકતાના હિમાયતી શહીદ પીર મહેમુદશાહ બુખારી દાદા નો ઉર્ષ (મેળો) હર્ષોલ્લાસથી ઉજવાશે

અજમેર ખ્વાજા ગરીબ નવાઝ ના ઉર્ષ પછી ગુજરાતમાં ભડિયાદ પીર દાદા નો મોટો ઉર્ષ ભરાય છે.

કોમી એકતા ના હિમાયતી શહીદ પીર મહેમુદશાહ બુખારી દાદાનો ઉર્ષ (મેળો) હર્ષોલ્લાસથી ઉજવાશે.

કોમી એકતા ના હિમાયતી શહીદ પીર મહેમુદશાહ બુખારી દાદાનો મેળો અમદાવાદ જિલ્લાના ઘોલેરા તાલુકો તા.૨૬/૧૨/૨૦૨૫ રજબ ચાંદ ૫ થી તા.૦૩/૦૧/૨૦૨૬ રજબ ચાંદ ૧૩ સુધી ઉર્ષ મનાવવામાં આવશે. ખમાસા ગેટ અમદાવાદ થી તા.૨૬/૧૨/૨૦૨૫ રજબ ચાંદ ૫ શુક્રવાર બપોરે ૨.૩૦ વાગે પગપાળા સંઘ (મેદની) નીકળશે. આ પગપાળા સંઘનુ જમાલપુર દરવાજા પાસે ભગવાન જગન્નાથ મંદિરના મહંત શ્રી દિલીપદાસજી મહારાજ પગપાળા સંઘનુ સ્વાગત કરશે. તા.૩૦/૧૨/૨૦૨૫ મંગળવાર રજબ ચાંદ ૯ નિશાન ચઢાવવાની રસમ, તા.૩૧/૧૨/૨૦૨૫ બુધવાર ચાંદ ૧૦ રાત્રે સંદલ શરીફ ની પવિત્ર રસમ, તા.૦૧/૦૧/૨૦૨૬ ગુરૂવાર ૧૧મી શરીફ મનાવવામાં આવશે. તા.૦૨/૦૧/૨૦૨૬ શુક્રવારે ઉર્ષ શરીફ મનાવવામાં આવશે. તા.૦૩/૦૧/૨૦૨૬ શનિવારે ઉર્ષ સંપન્ન થશે. યાત્રિઓને વિનંતી કે મેદની કમીટી એ નક્કી કરેલા રૂટ પર ચાલવા વિનંતી છે. રેલવે ટ્રેક પર ચાલવું નહીં. ખેતરમાં ઉગેલા પાકને નુકશાન ન કરવા અને સાથ સહકાર આપવા ભડિયાદ પીર ગાદીપતિ અને કોમી એકતાના હિમાયતી બાવામીયા બાપુ એ વિનંતી કરી છે. રાજસ્થાન અજમેર ખ્વાજા ગરીબ નવાઝ ના ઉર્ષ પછી મોટો ઉર્ષ ભરાય છે. આ મેળામાં ગુજરાત સિવાય બીજા રાજ્યોમાંથી પણ શ્રદ્ધાળુઓ આવે છે.

મોરબી સિરામિક એસોનાં પ્રમુખોએ આઇસગેટ પોર્ટલમા ફ્રોડ નો પડદાફાસ કરતા પોલીસ તંત્રનો આભાર વ્યક્ત કર્યો

વાંકાનેર તાલુકા પોલીસ સ્ટેશનમા છેતરપિંડીનો ગુન્હો રજીસ્ટર થયેલ હતો. જે ગુન્હામાં ફરીયાદીની બોન્ઝા વિટ્રીફાઇડ કંપનીનુ બોગસ ઇમેઇલ આઇડી, મોબાઇલ નંબરનો ઉપયોગ કરીને ભારત સરકારના આઇસગેટ પોર્ટલમાં આ ઇમેઇલ આઇ.ડી. તથા નંબરથી યુઝર રજીસ્ટર કરી સરકાર તરફથી આઇસગેટ સ્કીમ અંતર્ગત મળેલ રોડટેપ સ્ક્રીપ નંગ – ૨૯ કિં.રૂા. ૭૧,૪૫,૬૧૬/- ની છેતરપીંડી થયેલ હોય જે ગુન્હાની તપાસ સાયબર ક્રાઇમ પોલીસ સ્ટેશન, મોરબીને સોપતા પોલીસ ઇન્સપેકટર દ્વારા અલગ અલગ રાજય ખાતે તપાસ કરી રૂા.૪૧,૮૧,૬૮૦/- ગુન્હાના કામે રીકવરી કરેલ હોય જે રીકવર કરેલ રકમ ફરીયાદીને નામદાર કોર્ટના હુકમ મુજબ આજે “તેરા તુજકો અર્પણ” અંતર્ગત પરત અપાવેલ છે. જે બદલ મોરબી સિરામિક એસોસિએશન નાં પ્રમુખ મનોજભાઈ એરવાડીયા અને પ્રમુખ હરેશભાઈ બોપલિયા એ એસપી મુકેશ કુમાર પટેલ તથા પોલિસ તંત્રનો આભાર વ્યક્ત કર્યો હતો.

All Rights Received @gujarattatkalsandesh.com