મોરબી જિલ્લામાં સરકારીશ્રીના પોષણ સંગમ કાર્યક્રમ અન્વયે આઇસીડીએસના સીડીપીઓ સર્વશ્રી તથા મુખ્ય સેવિકાઓ માટે એન.એન.એમ.ના મિશન ડાયરેક્ટરશ્રી જીજ્ઞાશા પંડ્યા તથા આઈસીડીએસના ડેપ્યુટી ડાયરેક્ટરશ્રી અંકુર વૈદ્યની પ્રેરક ઉપસ્થિતિમાં એક દિવસીય વર્કશોપનું આયોજન કરવામાં આવ્યું હતું.
કમિશનરીશ્રી આઈસીડીએસ, મહિલા અને બાળ વિકાસ વિભાગ દ્વારા ‘પોષણની સંગમ ( Protocol For Management Of Malnutrition In Children)’ કાર્યક્રમ અમલમાં મૂકવામાં આવ્યો છે. જે અન્વયે મોરબી જિલ્લામાં જિલ્લા પંચાયત ખાતે યોજાયેલ વર્કશોપમાં C-MAM (Community-Based Management of Acute Malnutrition – અતિ કુપોષણનું સમુદાય-આધારિત વ્યવસ્થાપન) કાર્યક્રમના અમલીકરણ અંગે ટીમ માટે મહત્વપૂર્ણ ઈનપુટ્સ અને વિઝન, C-MAM ના વ્યુહાત્મક આયોજન અને પ્રસ્તુતિ, જિલ્લા બેસ્ટ પ્રેક્ટિસીસ, C-MAM પ્રોગ્રામમાં આરોગ્ય વિભાગની ભૂમિકા, ગામડાના આંગણવાડી કેન્દ્રમાં પોષણની સ્થિતિ, પોષણ સંગમ એપ્લિકેશનનું ઓરિએન્ટેશન સહિત વિવિધ મુદ્દાઓને કેન્દ્રમાં રાખી વર્કશોપ યોજાયો હતો.
આ વર્કશોપમાં આઈસીડીએસ રાજકોટ ઝોનના વિભાગીય નાયબ નિયામકશ્રી પૂર્વીબેન પંચાલ, મોરબી સીઆરએચઓશ્રી ડો. સંજય શાહ, મોરબી આઇસીડીએસ પ્રોગ્રામ ઓફિસરશ્રી મયુરીબેન ઉપાધ્યાય, સીડીપીઓ સર્વશ્રી અને મુખ્ય સેવિકાશ્રીઓ ઉપસ્થિત રહ્યા હતા.
મોરબી શહેરના જાહેર માર્ગો પર પ્લાસ્ટિક મુક્તિ અંગેના નારા લગાવયા; ખેલાડીઓ, ટ્રેનર્સ, બાળકો અને શહેરીજનો જોડાયા
વિશ્વ પર્યાવરણ દિવસની વર્ષ-૨૦૨૫ની થીમ ‘એન્ડિંગ પ્લાસ્ટિક પોલ્યુશન ગ્લોબલી’ અંતર્ગત મોરબીમાં જિલ્લા રમત પ્રશિક્ષણ કેન્દ્ર દ્વારા મોરબી શહેરમાં વોકથોનનું આયોજન કરવામાં આવ્યું હતું જેમાં બહોળી સંખ્યામાં લોકો જોડાઈ પ્લાસ્ટિક મુક્ત ઝુંબેશને સફળ બનાવવા સહભાગી બન્યા હતા.
૫ જૂનના રોજ વિશ્વ પર્યાવરણ દિવસની ઉજવણી કરવામાં આવનાર છે, આ ઉજવણીના ભાગરૂપે સમગ્ર રાજ્યની સાથે મોરબી જિલ્લામાં પણ ઉજવણી પૂર્વે વિવિધ આયોજનો અને કાર્યક્રમોનું આયોજન કરવામાં આવી રહ્યું છે. આ વર્ષની થીમને ધ્યાને લઈ લોકોને પ્લાસ્ટિક પ્રદુષણ અંગે જાગૃત કરવા તેમજ પ્લાસ્ટિકના વપરાશને નહિવત કરવા વિવિધ પ્રયાસો હાથ ધરવામાં આવી રહ્યા છે. ત્યારે ગત તારીખ ૨૯/૦૫/૨૦૨૫ ના રોજ મોરબી જિલ્લા રમત પ્રશિક્ષણ કેન્દ્ર દ્વારા મોરબીના જાહેર માર્ગો પર રેલી સાથે વોકથોનનું આયોજન કરવામાં આવ્યું હતું. આ વોકથોનમાં લોકો દ્વારા ‘જગતભરમાં પ્લાસ્ટિક પ્રદૂષણનો અંત લાવો’ અને ‘પ્રકૃતિનું જતન અને પર્યાવરણની જાળવણી આપણી જવાબદારી’ સહિતના નારા લગાવવામાં આવ્યા હતા. આ વોકથોન દરમિયાન સર્વે ઉપસ્થિતો દ્વારા રોજિંદા જીવનમાં પ્લાસ્ટિકનો વપરાશ ઘટાડવા તથા આ બાબતે લોકોને જાગૃત કરવા શપથ પણ લેવામાં આવ્યા હતા.
આ વોકથોનમાં જિલ્લા રમત વિકાસ અધિકારીશ્રી રવિભાઈ રાઠોડ અને જિલ્લા રમત પ્રશિક્ષણ કેન્દ્રનો સ્ટાફ, જિલ્લાના ખેલાડીઓ, રમતના કોચશ્રીઓ, વ્યાયામ શિક્ષકશ્રીઓ, ટ્રેનર્સ તેમજ બાળકો અને શહેરીજનો જોડાયા હતા.
Entertainment News: વર્ષ 2024 માં, અજય દેવગન, આર માધવન અને જ્યોતિકા અભિનીત ‘શૈતાન’ નામની હોરર ફિલ્મ રિલીઝ થઈ હતી, જે અજયની કંપની દેવગન ફિલ્મ્સ અને જિયો સ્ટુડિયોએ મળીને બનાવી હતી. હવે આ બંને પ્રોડક્શન હાઉસ ફરી એકવાર સાથે આવ્યા છે અને એક માયથોલોજિકલ હોરર ફિલ્મ લાવી રહ્યા છે. ફિલ્મનું નામ ‘મા’ છે, જેનું ટ્રેલર રિલીઝ થઈ ગયું છે.
સુપ્રીમ કોર્ટે પોતાના આદેશમાં કહ્યું હતું કે, “બે શિફ્ટમાં પરીક્ષા લેવાથી અસમાનતા સર્જાય છે અને તે બધા ઉમેદવારોને સમાન તક આપી શકતી નથી. બે અલગ અલગ શિફ્ટમાં પૂછાયેલા પ્રશ્નપત્રો ક્યારેય સમાન મુશ્કેલી સ્તરના ન હોઈ શકે. છેલ્લી વખત પરીક્ષા ખાસ સંજોગોમાં બે શિફ્ટમાં લેવામાં આવી હતી પરંતુ આ વખતે પરીક્ષા સંચાલન સંસ્થાએ એક જ શિફ્ટમાં પરીક્ષા યોજવાની વ્યવસ્થા કરવી જોઈતી હતી.”
એનબીઇની એ દલીલને ફગાવી દીધી હતી જેમાં તેણે કહ્યું હતું કે દેશભરમાં એક જ શિફ્ટમાં પરીક્ષા યોજવા માટે પૂરતા કેન્દ્રો ઉપલબ્ધ નથી. સુપ્રીમ કોર્ટે ટિપ્પણી કરી હતી કે, “અમે દલીલ સ્વીકારવા તૈયાર નથી કે આખા દેશમાં અને દેશભરમાં ઉપલબ્ધ ટેકનોલોજીની પ્રગતિને જતા પરીક્ષા આયોજીત કરનારી સંસ્થા એક જ શિફ્ટમાં પરીક્ષા યોજવા માટે પૂરતા પરીક્ષા કેન્દ્રો શોધી શકી નથી.
ન્યાયાધીશ વિક્રમ નાથ, જસ્ટિસ સંજય કુમાર અને જસ્ટિસ એન.વી. અંજારિયાની બેન્ચે નેશનલ બોર્ડ ઓફ એક્ઝામિનેશન (NBE) દ્વારા NEET PG 2025 ની પરીક્ષા બે શિફ્ટમાં લેવાના નિર્ણયને પડકારતી અરજીઓ પર સુનાવણી કરતી વખતે આ આદેશ આપ્યો હતો. બેન્ચે પરીક્ષા સત્તાવાળાઓને સ્પષ્ટ નિર્દેશો આપ્યા છે કે પરીક્ષાની નિષ્પક્ષતા અને પારદર્શિતા સુનિશ્ચિત કરવા માટે તમામ જરૂરી વ્યવસ્થા કરવામાં આવે. કોર્ટે એમ પણ કહ્યું કે વિદ્યાર્થીઓની મહેનત અને ભવિષ્ય સાથે કોઈપણ પ્રકારની અસમાનતા કે અન્યાય ન થવો જોઈએ. આ નિર્ણય અંગે વિદ્યાર્થીઓ અને વાલીઓમાં સંતોષની લાગણી છે. ઘણા વિદ્યાર્થીઓ કહે છે કે હવે તેઓને ડર રહેશે નહી કે બીજી શિફ્ટમાં આવતા પ્રશ્નો સરળ હશે કે મુશ્કેલ. આનાથી દરેકને સમાન તક મળશે.
વિદ્યાર્થીઓએ સપ્ટેમ્બર 2024માં સુપ્રીમ કોર્ટમાં અરજી દાખલ કરી હતી જેમાં NEET PG 2024ની પરીક્ષામાં પારદર્શિતાની માંગ કરવામાં આવી હતી. વિદ્યાર્થીઓની મુખ્ય માંગણી એ હતી કે પરીક્ષા એક જ શિફ્ટમાં લેવામાં આવે, કારણ કે બે શિફ્ટમાં પરીક્ષા યોજીને સામાન્યીકરણ પ્રક્રિયા અપનાવવામાં આવે છે, જે તેમને અસમાન અને અન્યાયી લાગે છે. આ ઉપરાંત તેમણે પરીક્ષાનું સંચાલન કરતી સંસ્થા NBEMS ને પ્રશ્નપત્ર અને આન્સર કી જાહેર કરવાની પણ માંગ કરી હતી, જેથી તેઓ તેમના પરિણામનું મૂલ્યાંકન કરી શકે અને તૈયારીમાં સુધારો કરી શકે. આ અરજી પર સુનાવણી કરતા સુપ્રીમ કોર્ટે 22 મેના રોજ તમામ ખાનગી અને ડીમ્ડ મેડિકલ યુનિવર્સિટીઓને તેમની ફી વિગતો જાહેર કરવાનો નિર્દેશ આપ્યો હતો અને પરીક્ષામાં પારદર્શિતા સુનિશ્ચિત કરવા જણાવ્યું હતું.
NEET PG પરીક્ષા 15 જૂને પ્રસ્તાવિત
પરીક્ષાના સમયપત્રક મુજબ, NEET PG 2025 પરીક્ષા 15 જૂને CBT મોડમાં લેવામાં આવશે. અગાઉ બે શિફ્ટમાં પરીક્ષા લેવા માટેનું સમયપત્રક બહાર પાડવામાં આવ્યું હતું. પરંતુ હવે સુપ્રીમ કોર્ટના આદેશ પછી સુધારેલ પરીક્ષાનું સમયપત્રક બહાર પાડવામાં આવશે. સુપ્રીમ કોર્ટે શુક્રવારે રાષ્ટ્રીય પરીક્ષા બોર્ડને નિર્દેશ આપ્યો હતો કે NEET PG 2025 પરીક્ષા બે શિફ્ટમાં નહીં પરંતુ એક શિફ્ટમાં લેવામાં આવે. કોર્ટે કહ્યું કે 15 જૂને યોજાનારી પરીક્ષા માટે જરૂરી વ્યવસ્થા કરવા માટે હજુ પણ સમય બાકી છે.
