Category: Gujarat NewsCategory Archives:

મોરબી શહેર સહિત સમગ્ર દેશભરમાં હાલ મુસ્લિમ સમાજના મોહરમ શરીફ ચાલી રહ્યા છે મુસ્લિમ વિસ્તારમાં ઇમામ હુસૈન ની યાદમાં ઠેર ઠેર છબીલ તાજીયા અખાડા સહિત વિવિધ ધાર્મિક કાર્ય  યોજાઇ રહ્યા છે અને મુસ્લિમ સમાજના નવા વર્ષ મોહરમ શરીફ નિમિત્તે પ્રથમ ચાંદ થી શરૂ છે ત્યારે એ ડીવીઝન પોલીસ મથકે જિલ્લા પોલીસ વડાની સૂચના અને નાયબ પોલીસ અધિક્ષકના માર્ગદર્શન થી મોરબી એ ડિવિઝન પોલીસ મથકે પોલીસ ઇન્સ્પેક્ટર રાકેશ પટેલ ની અધ્યક્ષતામાં મુસ્લિમ સમાજ નાં ધર્મ ગુરુ શેરખતીબ રસીદ મીયા બાપુ સહિતના તાજીયા અખાડા કમિટીના આયોજકો સંચાલકો સાથે બેઠક યોજાઈ હતી
તેમાં શાંતિ પૂર્વક તહેવારોની ઉજવણી અંતર્ગત ચર્ચા વિચારણા કરવામાં આવી હતી તેમાં તાજીયાના સંચાલકોએ સમયસર દર વર્ષની જેમ રાબેતા મુજબ રૂટ પર સમયસર હાજર રહેવું અને અખાડા કમિટી દ્વારા ઇલેક્ટ્રીક વાયર રેકડા વહાનો ચલાવતી વખતે સાવધાની સાથે ઇલેક્ટ્રીક વાયર ઉંચા કરતી વખતે સાવચેત થી પૂર્વક સાવધાની રાખવી જેવા અનેક વિવિધ પ્રજાલક્ષી માર્ગદર્શન ની ચર્ચા વિચારણા સાથે તાજીયા આખાડાની મીટીંગ મળી હતી

મોરબી મહાનગરપાલિકાની યુ.સી.ડી. શાખાની ડે. એન.યુ.એલ.એમ. યોજના હેઠળ મહારાણીશ્રી નંદકુંવરબા આશ્રયગૃહ માટે નાઈટ ડ્રાઈવનું આયોજન કરવામાં આવ્યું

.

પંડિત દીનદયાળ અંત્યોદય આજીવિકા મિશન અંતર્ગત શહેરી ઘરવિહોણા લોકોને આશ્રય સ્થાન ઘટક હેઠળ મોરબી મહાનગરપાલિકાના મહારાણીશ્રી નંદકુંવરબા આશ્રયગૃહ ખાતે ઘરવિહોણા અને નિરાધાર લોકોને નિ:શુલ્ક રહેવા, જમવા સહિતની પ્રાથમિક સુવિધાઓ ધરાવતું મોરબી મહાનગરપાલિકા દ્વારા નિમણુક થયેલ શ્રી સિદ્ધિ ખાદીગ્રામ ઉદ્યોગ કેળવણી સંસ્થા દ્વારા સંચાલન કરવામાં આવે છે તા. ૨૮/૦૬/૨૦૨૫ ના રોજ રાત્રી દરમ્યાન મોરબી મહાનગરપાલિકા યુ.સી.ડી. શાખાની આગેવાની હેઠળ સંચાલક સંસ્થા સ્ટાફ અને મોરબી પોલીસ સ્ટાફ સહીત સ્થાનિક વિસ્તારોના ઘરવિહોણા લોકોની સ્થળ પર મુલાકાત કરીને કાઉન્સેલિંગ દ્વારા આશ્રયગૃહનો લાભ લેવા પ્રેરિત કરવાની ખાસ કામગીરી હાથ ધરવામાં આવી હતી શહેરના જુદા- જુદા જાહેર માર્ગો અને ફૂટપાથ પર રાત્રી દરમ્યાન સુતેલા લોકોને સમજાવટ દ્વારા આશ્રયગૃહ ખાતે સ્થળાંતરિત કરવામાં આવ્યા હતા ઉલ્લેખનીય છે કે સંસ્થા સ્ટાફ દ્વારા આ પ્રકારની નિયમિત નાઈટ ડ્રાઈવ દ્વારા લાભાર્થીઓને આશ્રયગૃહ ખાતે લાવવામાં આવે છે ત્યારે હજુ પણ અમુક લોકો રાત્રી દરમ્યાન ફૂટપાથ પર સુતેલા જોવા મળે છે અને અનેક જોખમોનો ભોગ બને છે આવા સંજોગોમાં આ પ્રકારની નાઈટ ડ્રાઈવ દ્વારા ઘરવિહોણા લોકો આશ્રયગૃહનો લાભ લઈને વધુ હકારાત્મક વલણ અપનાવી આશ્રય મેળવે ઉપરોક્ત નાઈટ ડ્રાઈવ દ્વારા ૨૨ ઘરવિહોણા લોકો અને તેમના પરિવાર સાથે આશ્રયગૃહ ખાતે પહોચાડવામાં આવ્યા હતા. સરનામું- મહારાણીશ્રી નંદકુંવરબા અશ્રયગૃહ, રેલવેસ્ટેશન રોડ, મોરબી, સંચલક સંપર્ક નંબર – ૯૭૨૬૫૦૧૮૧૦

જિલ્લા મહિલા અને બાળ અધિકારીની કચેરી મોરબી દ્વારા સતવારા સમાજની વાડી, વાઘપરા, મોરબી ખાતે મહિલાઓને ઘરેલુ હિંસા સામે સ્ત્રીઓને રક્ષણ અધિનિયમ ૨૦૦૫ અન્વયે જાગૃતિ સેમીનાર યોજાયો હતો.

આ સેમીનારમાં ઉપસ્થિત મહિલાઓને કાયદા નિષ્ણાંતશ્રી નસીમબેન ખોખર દ્વારા ઘરેલું હિંસા સામે સ્ત્રીઓને રક્ષણ અધિનિયમ ૨૦૦૫ વિષે વિસ્તૃત સમજ આપતા જો કોઈ મહિલા ઘરેલું હિંસાનો ભોગ બને તો તેમને શું પગલાં લેવા તે અંગે વિગતે માહિતી આપવામાં આવી હતી. જિલ્લા મહિલા અને બાળ અધિકારી શ્રી જે.બી. ત્રિવેદી દ્વારા વિવિધ મહિલાલક્ષી યોજનાઓ વિશે માહિતી તથા માર્ગદર્શન આપવામાં આવ્યું હતું.

મોરબીની બહાદુરગઢ શાળામાં કન્યા કેળવણી મહોત્સવ અને શાળા પ્રવેશોત્સવ અંતર્ગત ભૂલકાઓને પ્રવેશ અપાયો

મોરબી,ગુજરાત સરકાર દ્વારા વર્ષ 2002 થી શરૂ કરેલી પરંપરા એટલે કન્યા કેળવણી મહોત્સવ અને શાળા પ્રવેશોત્સવ જેમાં સમગ્ર રાજ્યમાં સતત ત્રણ દિવસ સુધી રાજ્યની તમામ શાળાઓમાં મુખ્યમંત્રીથી માંડી તમામ અધિકારીઓ પદાધિકારીઓ ગામેગામ જઈ નાના બાલુડાંઓ,ભૂલકાઓને વાજતે ગાજતે શાળામાં પ્રવેશ અપાવે છે,જેના કારણે એક સમયે શાળા છોડી જનારા શાળાથી વંચિત રહેનારા 25% જેટલા બાળકો હતા આજે એ રેશિયો ઘટીને 2% જ રહ્યો છે સરકારી શાળાઓ સમૃદ્ધ બની છે,સુવિધાયુક્ત બની છે ત્યારે મોરબીની બહાદુરગઢ પ્રાથમિક શાળામાં બાળકોને મહાનુભાવોની પ્રેરક ઉપસ્થિતમાં ધામધૂમપૂર્વક પ્રવેશોત્સવ ઉજવાયો જેમાં સરકાર, સમાજ શિક્ષકોનો સમનવય થાય તેવો સુંદર કાર્યક્રમ આજ રોજ બહાદુરગઢ પ્રાથમિક શાળાના પ્રાંગણમા રામપર મધુપુર બહાદુરગઢ ત્રણે શાળાના સંયુક્ત ઉપક્રમે પ્રવેશ પામતા બાળકોને હરખભેર પ્રવેશ આપવામાં આવ્યો હતો. જેમાં મોરબી સીટી મામલતદાર હસમુખભાઈ મારવાણીયા, ભરતભાઈ મોઢવાડીયા સી.આર.સી.કો.ઓર્ડીનેટર તેમજ અન્ય અધિકારીઓ જોડાયા હતા,સમગ્ર કાર્યકમને સફળ બનાવવા શાળાના આચાર્ય પ્રદિપભાઈ કુહાડીયા તેમજ શિક્ષકોએ ભારે જહેમત ઉઠાવી હતી.

મોરબીના રામધન આશ્રમ ખાતે અષાઢી બીજની ભવ્ય ઉજવણી

મહંતશ્રી ભાવેશ્વરીમાંના સાનિધ્યમાં અષાઢી બીજ પર્વ ઉજવણી કરવામાં જેમાં સવારે ધ્વજારોપણ, બપોર તેમજ સાંજે મહાપ્રસાદ રાત્રે રામદેવપીરના પાટ, તેમજ નામી અનામી કલાકારો નો સંતવાણી કાર્યક્રમ યોજાયો હતો મહેન્દ્રનગર, મોરબી સહિત બહાર ગામના લોકો એ દર્શન અને મહાપ્રસાદ નો લાભ લીધો હતો. આ કાર્યક્રમને સફળ બનાવવા માટે આશ્રમના સેવકો ભાઈઓ બહેનોએ જહેમત ઉઠાવી હતી તેમ મુકેશ ભગતની યાદી જણાવેલ છે